今次玩左十三日 去左丹麥-哥本哈根,瑞典-斯德哥爾摩,abisko(極光),挪威-那維克,芬蘭-赫爾辛基,愛沙尼亞-塔林 5個國家,走馬看花就有小小,但主要追極光 依一刻我係尾站芬蘭打緊遊記,最後埋單所有野應該就15000-17000內搞得掂 今次我唔用窮遊,因為好多人以為去歐洲就係有錢,點知今次計番我仲用得少過去日本 機票SAS北歐航空$4973 ,直飛哥本哈根,回程走係赫爾辛基要轉機 好 去片 香港飛哥本哈根航班每日應該得一班零晨01:00機 對於打工仔請假係慳左一日,超正 係242座位,有毛巾 水 枕頭 跟,咁我坐4人位,架機係幾空下,我果排冇人坐,最後得我自己坐 第一餐就好早派,上機個幾鐘,我冇要到,第二餐就落機前2-3個鐘,當早餐 都唔錯 唔想食太飽 第一次坐咁多個鐘多飛機,我覺得都辛苦,但唔想煩 何況我有得成排訓,不過去轉廁所就比人搶左黎訓 落機之後好多人轉機,咁跟指示行去到關口,佢就問左我黎做咩,去邊,幾時走,由於小弟英文屎,一早印定晒所有行程指比佢睇,佢都明事理,就放我走! 上圖直接行去就ok,有幾個人唔敢入問番我轉頭,嚇親我,牆身有好多畫作架,可以留意 行林好快,有得坐,好有特式既長凳 囉埋行李就去左囉哥本路根1day pass,我就經klook買,現場買都得,個位置係一出門口右手,我都搵左一陣,勁7周圍問人 咁張卡就全日交通,景點都係免費,咁我就免除買車飛既問題,向前行左轉扶手梯落去就係火車,因為係去市中心,架架都經,大約坐15分鐘到 架架車都係去中央既車站架 一落車D人走得超急,快過香港人!同埋D車都幾靚 咁今次我係住依家hostel(Urban House) ,離火車站3分鐘都唔知有冇,係booking.com訂,去到先比錢 ,佢會教你check in,3點先check in ,行李放櫃物櫃要收錢,$5到一個鐘,$208一晚 4人房,最後都係得兩個人,一個外國女仔,有毛巾,沖涼洗頭液 1點擊圖片放大 +2 火車站外觀 咁我放低行李就出發遊覽,由於所有景點10點先開,我搞掂d野先8點 仲有2個鐘,我就去左新港先,新港係丹麥最出名 最打卡既景點,咁佢就冇時間限制,我就沿海行過去,經過7-11買左支野飲同包,加埋都5x 貴左支果汁,可接受啦,坐係河邊嘆,咁當時都係好似7-8度,唔會太凍,著衫依d我會總結先講 係火腿芝士包 野飲一般 之後慢慢行,周圍d風景都好靚 ,紅葉 銀杏周圍都係 點擊圖片放大 我大約咁行,冇特定路線 去到新港,兩邊餐廳都未開,咁就影下相自拍下 咁下一步我就行左下附近個教堂 有個ABC叫我幫佢影相,然後走左,但又翻轉頭話要幫我影番 咁就未入得去,都係望兩眼影下相,之後沿路去番阿馬林堡宮既海邊坐下等開口 點擊圖片放大 +3 夠鐘我就去依個入口比張卡佢囉飛,佢地有locker比你放低野,一定要你咁做 咁有d士兵比你影下 點擊圖片放大 之後就去左依個地方,睇既野根本上我地唔會有太多興趣,所以都唔講了,之後去食lunch,睇完附近有個市場 去到有飲有食有買 點擊圖片放大 +3 好似日版出前一丁,又唔算貴 最後簡左下圖依間 點擊圖片放大 我簡左1份海鮮跟2份沙律,做特價70丹麥幣 我覺得都唔錯,三文魚幾正,人多就可以試唔同海鮮,另外隔離仲有半打生蠔$80,但我見都幾細隻 食飽飽就去行街,我目的去行睇極相,好多景點都係順路去望一兩眼,始終英文屎 去左一間朱古力買手信(summer bird),因為上網睇過都算平,又幾靚唔失禮,佢有比我聲稱自己最愛既我試食,我買左一盒$100 九格既朱古力,一長板,同一細包,之後佢仲比左杯75%朱古力我飲,最warm特別天氣咁凍 https://summerbird.dk/chokolade 佢官網,我買一入去最左果個 唔係話好大間 係幾好飲,唔甜,濃味 之後就行購物街,中間果條藍色線都係,有手信,衣服,咩都有d,幾好行真心,雖然有d大品牌,但好多我未見過,亦有好多萬聖節,聖誕節裝飾野睇 咁有一間我幾鍾意就分享下,係賣棋類既野,fans向既野,去圖 超多啤牌 點擊圖片放大 有哈利波特,M記既 ,間野都幾大間,最後係鋪頭名 丹麥好似係LEGO發源地,超多大人行囉 之後我就番去訓到4-5點 又出番黎去圓塔 點擊圖片放大 沿住行上去,睇風景咁,個小朋友好好笑,門票用卡都係唔洗錢,如果買冇記錯係50蚊到 咁岩中間有個登陸月球週年既展覽,咁我唔多講,大家去到應該都係其他野 之後係街邊食左熱狗 $28丹麥幣 夜晚好靚架都 之後去最後一個 喜出望外既景點 係叫Tivoli,好似話係咩最耐歷史既主題樂園,因為我睇google d相都幾舊下,本身都冇諗住入,但朝早係門口經過果時係萬聖節裝飾,所以決定夜晚黎會一會下佢 睇相幾咁樣衰 點擊圖片放大 +4 又係用卡換飛,勁多本地人入去,之後入邊全部都係萬聖節裝飾,賣既野都係,但由於天黑,冇點影到相,最後仲買左盒朱古力 之後就番hostel,係hostel餐廳叫左$30既薯條就訓教 咁第2日我就會去瑞典既斯德哥爾摩,坐SJ國鐵去 熱狗+菠蘿汁,由於有6個鐘時差 頭兩日都係少食野 咁我上機前背部有一忽仔敏感,最後都頂唔順,係火車站有間藥店買左支藥膏同一盒藥,我直接比相佢睇,再google下d藥,係BB止痕藥膏同抗敏藥 總共$65 火車站有個靚郵箱 咁火車飛就會早三個月開買,之後坐既全部都係SJ官網買 https://www.sj.se/en/home.html#/ 咁都係就咁買,睇唔明就直接用網頁翻譯睇,我買差唔$200到,坐5個鐘 照圖咁講,車no,第幾卡,同座位no. 咁我架車就係第26號月台,搵左好耐都見唔到,最後問人 要行出室外,行一段路,如果大家有機會都坐,我估應該一樣,佢架車應該都係出邊月台上落 點擊圖片放大 +4 有餐車,買左依個黎食 黎左咁多日,真係冇必要帶咁多現金,全部用信用卡,密碼都唔洗,都係拍!!!超方便 咁哥本哈根就告一段落 依個城市d人好有禮貌,好多人踩單車代步,同埋比想像中好玩好多,可能對我有新鮮感 https://blog.ulifestyle.com.hk/blogger/laiwai1993/2019/10/%e5%8c%97%e6%ad%90%e6%a5%b5%e5%85%89%e9%81%8a-%e7%91%9e%e5%85%b8-%e6%96%af%e5%be%b7%e5%93%a5%e7%88%be%e6%91%a9%e5%8f%8aabisko/ 瑞典及極光篇傳送門 多謝觀看,有行程問題可以留言/email比我 wai3393001@gmail.com