話說唔通「日日做EVENT」係日本遊戲的特徵嗎?魔法紀錄嘅EVENT冇間斷過啊。(之前玩Pigg都係日日EVENT,恆常EVENT,最終我自認肝度不足而棄咗坑,傷心事) 回正題,今次呢個活動用鏡像PVP模式。應該唔會好難。進入下一個Stage所需的Pt不多。另外繁中服大家都好溫柔,冇乜人放5星角,所以都幾易clean stage。因為其實只需做哂所有任務,攞到嘅鬼幣就可以啱啱好夠買哂商店內所有商品。而且只耗BP,我終於有AP可以打下強化本和覺醒本…… 所以應該買咗記憶結晶先,賦予角色發動暈眩嘅能力。之後購買順序都唔係問題。 今次活動將御園花凜放入稀有轉蛋池,由於佢唔係限定,日後大家都係有機會會抽到佢。但今次轉蛋pick up,小妹認為重點不在花凜身上,而係上圖呢張4星記憶結晶。 呢張記憶結晶日文マイバイブル,Mai Baiburu,My Bible,「我的聖經」。呢張卡會令角色會得到內建20%傷害上升同100%詛咒無效(極限突破時,會得到內建25%傷害上升同100%詛咒無效)。詛咒係一個非常可怕嘅異常狀態。不單會大量扣血,仲會加強相性相剋嘅效果,隊中角色亦無法幫你補血,回復HP。呢張記憶結晶對於會放詛咒的怪非常有用。不建議極限突破,因為張卡個重點係詛咒無效,既然佢一開始已經係100%抵禦到詛咒,點解要為咗個5%傷害上升,而冇咗4張內建100%詛咒無效嘅記憶結晶? 不過我亦唔建議為咗抽呢張4星而去轉蛋。因為除咗呢張之外,仲有以下3張: 2星卡「雨後的歸途<清佳>」 ※必須破滿,滿破後100%詛咒無效,攻擊力10%UP 4星卡「在這歇一下<圓、焰>」 絕不建議破滿,破滿跟不破滿的效果一模一樣,都是100%詛咒無效,HP自動回復2%(太少喇)。 3星卡「願蒙垂聽」。 只有機率抵禦,未破滿前70%毒無效,40%燒傷無效,40%詛咒無效。破滿後提升到100%毒無效,65%燒傷無效,65%詛咒無效。 另外順帶講講,毒、燒傷、詛咒都係同一類嘢。都係會扣血。其恐怖程度按順遞增係毒→燒傷→詛咒。毒只會扣血,唔會加強相性相剋嘅效果,隊中角色可以係你中毒時幫你補血。燒傷會扣血亦會加強相性相剋嘅效果,但隊中角色依然可以幫你補血。詛咒係,你已經不斷失血不特止,隊友亦愛莫能助!所以真係好恐怖! 以上3張按推薦度當然係「雨後的歸途<清佳>」→「在這歇一下<圓、焰>」→「願蒙垂聽」。2星<清佳>易入手;4星<圓、焰>有100%抵禦但難抽中;「願蒙垂聽」只有最高65%嘅機率性抵禦。所以係最唔推薦。