Lunar New Year Special Quest中文應該係……農曆新年特別活動?(話時話,MFF用Lunar New Year怕唔怕得罪鄰近國家啊?不過人哋咁愛國,應該唔會睇英文嘅) 今日我終於做翻一次歐洲人喇!開活動寶箱抽到6星直升卷啊!開心❤ 事緣係小妹最近忙到hihi,但不時都會睇下我follow嘅 Cynicalex有咩新搞作。無奈下做咗圖片黨,你哋睇下以下張圖,幾吸引眼球啊!我一眼睇落去以為Alex講緊今次新年活動(點知條片係1/16 upload,係講緊上次神奇4俠活動啊),當然就即刻滿懷希望地9衝去做任務啦。 係無間斷嘅努力下,終於俾我真係中咗喇! 當我想開心share呢個消息俾大家,勸大家都要唔好偷懶好好做quest時,諗著搵翻個video註明出處啦,先發現原來係美麗嘅誤會! 不過認真,話唔埋你真係會抽到更荀嘅嘢,而且做quest所費時間唔多,就當係試下自己嘅運氣好唔好啦! 話時話,今晚(Edit:原來係2月9號)1億六合彩。祝大家好運。 題外話,因為呢隻game翻譯太垃圾,依小妹愚見,若閣下有番咁上下中文水平應該都唔會用中文嚟玩㗎囉……