姑娘好美跟我回家好嗎(被斬) 咳。總之!最近搵攻略發現日服開放咗龍城明日香同常盤七夏5星令我好Gay動啊! 雖然我比較中意明日香(自害さんかわいい~),但睇嚟常盤七夏係更值得大家花時間資源練嘅角色。 先睇下七夏各種資料: 行動盤:ABBBC(wiki又稱3紅XDD) 類型:均衡 各種數值:合計:40581。HP:24648,ATK:8136,DEF:7797 評:血厚,但DEF略遜。ATK唔輸課金角,水屬ATK按序排:水波玲奈→梢麻友→靜海木葉→常盤七夏,排第四。 5星連攜:Blast傷害UP[Ⅷ] & 攻擊力UP[Ⅷ] & Debuff解除 評:高火力連攜(簡單暴力易用)。但Debuff解除冇咩用,又唔係狀態異常解除。 5星Magia:對敵方全體傷害[Ⅶ] & Buff解除(敵全) & 防禦力DOWN(敵全/3T) 評:敵全傷!非常好! 魔女化:對敵方全體傷害[Ⅸ] & Buff解除(敵全) & 攻擊力DOWN & 防禦力DOWN(敵全/3T) 評:個攻+防DOWN只有23%左右效果(即如果ATK同DEF原本有8500嘅話,會係3個回合內跌到6545),冇咩用……Buff解除就更冇用。但因3個B(Blast)盤,要累積MP到100發動Magia已經好唔容易,所以就算魔女化廢都唔緊要,因為真係冇乜機發動。 再睇下明日香各種資料: 行動盤:ABBBC 類型:均衡 各種數值:合計:41364。HP: 24801,ATK:7836,DEF:8727 評:血厚,DEF水屬角中排行第四,唔錯。水屬DEF按序排:八九寺真宵→美樹沙也加→靜海木葉→龍城明日香。ATK唔過8000,略遜。 5星連攜:必定挑釁 & 傷害削減狀態[Ⅸ] 評:如隊中有血厚+高防角色(如小圓或沙也加),呢種有如自殺連攜係幾好用嘅。由於我冇實際用過明日香,唔知減70%嘅傷害削減可唔可以cover到挨打1回合個血量。數字上計算應該係唔會搞出人命嘅,但為求安全隊中都係帶定一個治療師好啲。 5星Magia:對敵方單體傷害[Ⅶ] & 必定挑釁(自/1T) & HP自動回復(自/3T) & 傷害削減(自/3T) 評:挑釁係雙刃劍,全體傷害削減只有30%,HP自動回復亦只有8%,如果唔係棘手大怪應該都唔會被1回合內秒殺。 魔女化:對敵方單體傷害[Ⅸ] & 傷害削減(全/3T) & 必定挑釁(自/1T) & HP自動回復(自/3T) 評:雖然全體傷害削減只有35%,但自身HP自動回復有10%,持續3回合,不過3個B盤所以應該唔會有好多機會魔女化。 總結一下,由以上可見七夏比較簡單易用,開Auto應該冇大問題。呢個手遊同其他手遊一樣,ATK比DEF更重要。大家可見10回合內打唔哂就冇通關獎勵,而且遇上會放詛咒等異常狀態嘅對手,速戰速決先係上上策。最令我偏心七夏嘅,係佢個全體Magia,呢個真係加哂分呀。 參考日本大大的評價,七夏暫定係B+,明日香係B,雖然唔係Top tier,但比起其他角色,佢哋嘅排行其實並唔低。當然唔可以信十足啦,但足以證明兩位並唔差,無課或微課嘅朋友可以考慮下。 最後好奇下,無獨有偶,水系3個3紅嘅非4星角色都開放咗5星,令人好奇下一個官方福利係邊個。個人希望係夏目佳子,佢冇5星真係好可惜。雖然ATK唔高,但佢有一個好特別嘅連攜:狀態異常解除,遊戲中只有佢、聖麻美同圓神有狀態異常解除嘅連攜。如果真係開放5星,希望連攜追加一個回復MP嘅效果。咁就可以彌補佢ATK唔高嘅缺點,令人有動力練佢喇。