Cap一張陀槍學姐鎮文XDD 回正題,只要對啱嘅角色有恆心,集中資源,無課其實都可以玩得同課金玩家一樣好。 咁點先為止啱? 答案係睇下邊個非4星角色都可以上5星。 一嚟,上5星曾係4星角專利。5星即係將魔法少女能力升到最Top。但喺30/11/2017,日服推出咗首個可以2星上5星嘅角色(由比鶴乃),換言之該2星角色嘅最終能力可以同所有4星角色睇齊。 二嚟,5星即係有魔女化技。魔女化係Magia嘅2.5倍傷害。魔女化(日語:ドッペル,德語:Doppel),即係當所有角色升到5星+Magia到5Lv,就會開放的技能。雖然應該好難發動(MP200),但有得用,代表角色潛能可以發揮到極限。 非4星角色可以上5星化包括以下幾位魔法少女(至於主角小環依然冇5星,只有喺劇情入面先可以魔女化): 秋野楓(木) 都雛乃(木) 七海八千代(水) 由比鶴乃(火) 美國織莉子(光) 深月菲莉希亞(暗) 謠之鶴乃(木)雖然係3星角色上5星,但考慮到佢係限定轉蛋pick up一員,所以唔將佢劃入無課範圍內。 由上至下開始睇。木屬有兩個可以魔女化嘅角色,個人比較推薦小楓。大家可自行分析: 類型: 小楓:Magia 雛乃:輔助 行動盤: 小楓:AABBC 雛乃:ABBCC 5星連攜: 小楓:造成傷害UP[Ⅷ] & MP獲得量UP[Ⅷ] & HP自動回復[Ⅵ](3T) 雛乃:造成傷害UP[X]& 必定毒 5星Magia: 小楓:對敵方全體屬性強化傷害[Ⅶ] & 霧(敵全) & Charge後傷害UP & Accele MPUP(全/3T) 雛乃:對敵方全體傷害[Ⅸ] & 必定毒(敵全/3T) & 必定眩暈(敵全/1T) 相比次下,小楓的技雖冇雛乃咁牽制敵人,但非常有助隊友發動Magia同存活。而且小楓的行動盤比較易用。而參考埋日本大大們的評價,小楓屬A Rank角色,而雛乃屬B Rank角色。 到水屬,只有一個選擇。但呢個選擇並唔差,八千代係A+ Rank,同小妹心中認為好好用嘅4星角靜海木葉(静海このは)係同一個Rank。八千代行動盤有3個Blast,因為咁,成隊有比較多機會發動到三連Blast(BBB),傷害力比ACB或CBB高好多。同埋佢連攜技、Magia、都唔差,到加上整體能力數值合計不比4星角色差,所以對無課玩家嚟講,佢算係官方福利。 類型:均衡 行動盤:ABBBC 5星連攜:Blast傷害UP[Ⅸ] & 機率暴擊[Ⅸ] 5星指定連攜:HP回復[自],指定對象:環伊呂波 5星Magia:對敵方全體傷害[Ⅶ] & Blast傷害UP(全/3T) & 攻擊力UP(全/3T) 5星100Lv整體能力數值:39383 火屬亦只有一個,就係好元氣脫線嘅少女,由比鶴乃。佢亦係官方福利。一開始時,佢DEF真係好差,俾人亨兩下就化,但係堅持練上去一定唔會後悔!當佢去到5星100Lv,佢DEF可以到達六千幾,比好多暗屬4星角高成千㗎。順帶一提,鶴乃都係日本大大們心中的A Rank角色嚟㗎。 類型:Magia 行動盤:AABBC(超好用!) 5星連攜:Blast傷害UP[Ⅸ] & 攻擊力UP[Ⅸ] 5星Magia:對敵方全體傷害[Ⅷ] & Blast & Accele MPUP(全/3T) & 必定迴避(自/1T) 5星100Lv整體能力數值:33535 光屬亦只有一個,美國織莉子。亦被評為A Rank角色。小妹雖然已入手,但因升Lv的石頭都俾唒小圓,所以冇咩實際使用經驗,不過我哋可以睇下資料: 類型:Magia 行動盤:AABCC 5星連攜:攻擊力UP[Ⅸ] & Accele MPUP[Ⅷ] & 機率暴擊[Ⅶ] 5星Magia:對敵方全體傷害[Ⅷ] & MP回復(自) & 必定迴避(自/1T) 5星100Lv整體能力數值:35048 個人最欣賞係佢全體傷害嘅Magia,同埋「MP回復(自) 」!一見到呢個效果技即係代表咩?即係話我好快又可以發動Magia!同埋佢連攜可以幫隊友加快累積MP,令人哋都可以好快發動到Magia。仲有「攻擊力UP」,會比「傷害UP」更明顯提高傷害值,所以都幾屈機! 至於深月菲莉希亞,個人不建議練…睇下以下資料你就明點解: 類型:攻擊 行動盤:ABBCC 5星連攜:造成傷害UP[Ⅸ] & 反擊無效 5星Magia:對敵方單體傷害[Ⅶ] & 防禦力DOWN & 防禦力進一步DOWN(敵單/3T) & 機率拘束(敵單/1T) 5星100Lv整體能力數值:36317 首先不論佢連攜技好廢,連Magia都只能單體,行動盤又唔係好用嘅AABBC。不過如果你真係無課,唔選佢,暗屬就只可以選眼鏡焰(堅持每日打5次鏡像,係「挑戰」→「每日」拎一個魔法晶片,一年內一定可以入手)…不過日本大大有認為菲莉希亞已經比小焰好。菲莉希亞被評係B Rank角色,而小焰係更差嘅C Rank。小妹列埋小焰嘅資料俾大家自行定奪: 類型:輔助 行動盤:ABBCC 5星連攜:必定迴避 & Magia傷害UP[Ⅲ] 5星指定連攜:Magia傷害UP,指定對象:鹿目圓,美樹沙耶香,巴麻美,佐倉杏子 5星Magia:對敵方全體傷害[Ⅶ] & 技能冷卻加速(全/3T) 5星100Lv整體能力數值:44108 睇完又唔覺得小焰差過菲莉希亞喎…而且如果好愛小焰,應該會忍痛俾300魔法晶片入手XD 其實每個屬性都只得一兩個2星上到5星嘅角色,可以話係無咩選擇可言,所幸官方都冇迫人上梁山,因為以上角色都好優秀,絕唔比4星角差。當然如果你特別鍾愛某幾個連C Rank都入唔到嘅魔法少女,例如小妹好愛嘅龍城明日香,當然可以練啦,但係最好係等主要戰力都練成後,有多餘資源先再練。因為如果連刷關都有困難,好多過關獎勵都拎唔到,隻game會越來越難玩,咁就享受唔到遊戲嘅樂趣了。 參考網頁: https://appmedia.jp/magireco/778733 https://magireco.moe/wiki/魔法少女列表