如係你係一個纖細嘅人,一定會對「與妳寫下的日記」嘅劇情好有共鳴。 不過除咗活動劇情,有關商店(獎勵)同彩色鉛筆(原料)都好重要。 根據個人觀察,以下左手數起為得到最多原料嘅戰鬥: 打活動>打支線>打主線 打活動可獲得較多彩色鉛筆,例如「美玉的特訓<強化>」上級本,AP減20,一次可獲得13~15枝彩色鉛筆,不過都要睇運氣,我有一次只得5枝。打覺醒結界都唔錯,中級本有6~10枝。不過同樣要睇運氣,試過上級本1枝都冇。打活動比打支線劇情第3章多少少(一場AP減12,得4~5枝)。扛主線最唔著數,成日唔俾彩色鉛筆… 最重要問題,辛苦打嚟嘅日記本換咩好? 其實都係睇你個人需要(廢話)。 推薦度如下: (冇抽到小憐) 綿羊角>繪馬的水引結>彩虹寶玉>階梯的紀念碑>寶玉>書>消耗類道具>記憶結晶>服裝 (抽咗小憐) 服裝>綿羊角>繪馬的水引結>階梯的紀念碑>彩虹寶玉>寶玉>書>消耗類道具>記憶結晶 詳細分析如下: 如果已抽到小憐,不妨換小憐嘅便服,因為便服小憐+用鏡像幣換翻嚟嘅背景「與妳寫下的日記」,呢個配搭令首頁非常有feel…有種中學時代、青春清純嘅puppy love feel。 唔推薦換記憶結晶,「貴」夾唔抵,因為好似冇咩用咁… 3星結晶「不存在美麗的事物」(美しいものなんてない)的效果如下: HP+100 ATK+100 防禦力UP[Ⅲ] 彩色鉛筆獲得時+1 4星結晶「夢的續篇在醒來之後」(夢の続きは目覚めた後で)的效果如下: 冷卻:7回合 HP+801 DEF+801 必定保護瀕死的同伴(自/1T) 彩色鉛筆獲得時+2 轉蛋卷就因人而異啦,我睇咗日服schedule,我想pick up的角色(リズ)大概係下年6月17號,所以轉蛋卷唔急。 回復藥、QB晶片(誤)、魔法晶片、全能寶石+同全能寶石++,都係睇需求,我暫時唔會急用呢啲道具,所以skip。 黑暗寶玉可以打覺醒結界得到,同埋我暫時冇暗屬,有都唔夠全能寶石升到80Lv做覺醒,所以都係skip。 繪馬的水引結、階梯的紀念碑、綿羊角、彩虹寶玉,除咗小憐外,都係某啲魔法少女覺醒/Magia up Lv嘅材料,例如繪馬的水引結、綿羊角,係小圓同學姐5星滿覺醒嘅素材之一,又係好多魔法少女Magia up Lv嘅材料,尤其綿羊角係主線第5章先會出現,難掉落,所以都好推薦呢兩隻。其次係彩虹寶玉個個都要,又難入手(除咗打上級、超級本等佢機率掉落,別無入手方法),所以都幾推薦換,不過彩虹寶玉幾乎次次活動都有得換,如果唔夠日記本,就唔好夾硬儲嚟換喇。 書係Magia up Lv嘅材料,同寶玉一樣打覺醒結界可以得到,加上唔係覺醒材料,所以都唔係幾推。 參考網頁:https://magireco.moe/wiki/%E7%B4%A0%E6%9D%90