(圖片轉自旅館官網) 好幾年前小酷米曾經住過,位於板橋區嘅萊婕精品旅店無論週邊環境、服務、房內設備同衛生等等,喺3百幾蚊一晚嘅價位算唔錯,但事隔年,舊地重遊,竟然差到要比負分 我綜合左以下有5大問題(成肚火寫左千個字,文長...) 1.走廊唔開燈 當日小酷米到達酒店已經夜晚9點多,check in之後上樓發現走廊無燈,喺伸手不見五指間憑著“出路”牌嘅微微燈光行到自己間房,沿路行發現啲房全部冇閂門,而且全部房都係亂到七彩,自己又唔生性,竟然去諗啲恐怖片嘅劇情,你都咪話唔驚 全層唯一有開嘅燈就只有我入住嘅房外面照著門牌嘅一棧小燈.....我入去放低行李之後打算落街買消夜就順便問櫃檯“5樓的走廊燈壞了嗎?” 櫃檯: 沒有,只是我們從來都不開。 我: 為什麼不開,你知道有多恐怖嗎?而且其他房門又開著,感覺怪怪的。 櫃檯: 我們平常都不會開燈的,而且我不知道開燈的位置,主管都不讓我們開。 我: (開始火起)我有付房租吧!跟你主管說,我覺得很需要開燈.... 我唔知道係籍口定係真係有唔比開燈嘅主管,反正我嘈完,買完消夜之後有開燈,不過件事未完.... 2.房無紙巾,只有廁紙;地板超污糟 返到入房,想抽張紙巾用,點知所謂嘅紙巾盒盒著嘅唔係抽取式紙巾,而係卷裝廁紙,(第二日職員Fill返嘅都係卷裝廁紙.....所以並非偶然) 地板又要膩痴痴,嚟到依一格,我已經冇氣,而且已經夜深~反正連燈制喺邊都唔知嘅櫃檯姐姐唔會有野幫到我,所以自己用消毒紙巾抹下算數..... 4.夜更櫃檯員工態度惡劣,做事求其 第二日,同樣係夜更櫃檯,時間亦係晚上9點多,因為我妹妹遲我一日入住,我哋拉住行李想上樓之際,櫃檯姐姐問我哋Check in左未,本來覺得此舉正路,唔比啲客自出自入係應該,但.... 櫃檯: 你們客房是...? 我: 805 然後櫃檯姐姐繼續玩手機..... 其實玩手機好平常,邊個打工仔玩吓手機,但過份嘅係... 妹妹: (入到電梯)我哋住幾樓話?都冇8樓,我明明聽到你講805... 我: 我記錯左,其實係住5樓,508號房至真 其實櫃檯姐姐根本冇聽真我哋講咩就放行~咁即是亂報一個房號就可以上樓啦~而且啲冇人入住嘅客房根本冇閂門,連房租都到以慳埋,但對我哋依啲真金白銀比房租嘅住客嚟講保安可是大問題 3.整理後,唔鎖房門 發現房間整理過後竟然冇鎖返房門,唔知好彩定唔好彩呢?我哋隔離左右全部都係吉房,應該冇人喺依層出入, 不過鎖返門唔係應份嫁咩? 再者,求其講句805就可以上樓,唉....唔會有白撞掛? 5.房內地板軟綿綿? 最核特嘅係廁所門口位置地板,踩落去會沉左落去,應該係之曾經水浸過,木地板發晒,感覺好核特... 整個入住經驗真係超差,負分到一個頂點! 我明白設備會有老舊嘅一日,但服務就要跟著一齊倒退嗎? 雖然上面提到嘅經驗差到不堪,但有稱讚嘅部分,早餐確係唔錯,旅館提供麥當勞換領卷,行幾步就到。同埋早更櫃檯姐姐好有禮貌,同夜更櫃檯姐姐真係天壤之別 但如果你正考慮去台北玩,請避免入住,因為佢哋比我嘅感好似隨時會關門大吉咁,免得過到去真係執左笠要臨急搵地方入住 歡迎LIKE我哋嘅FB專頁,謝謝!台灣追星星手記