依間位於中山區嘅主題CAFÉ好有趣,除咗喺裝修擺設上花心思之外,連餐具都好講究,而且餐點水準都好高,直得推介! 門外小花園擺放咗好多公仔、頭箍等等嘅道具,讓大家等位期間先Selfie、打卡 影下依樣,又換下Pose。。。好快就有位 店內裝修主要以工業風為主,四處都可以見到不同嘅卡通人物,而座位上都有 “陪坐” 娃娃,單身狗小酷米一啲都唔寂寞 點擊圖片放大 +3 (轉自Tank Q Facebook) “貨櫃”要上枱啦~ 奶油培根起司燉飯(NT$258) 一睇個貨櫃餐盒就知店主花左唔小心思,做得非常仔細,有晒編號、開關把手,同真嘅貨櫃似到十足 一“拆櫃”就聞到濃濃嘅芝士香同奶油香,意大利飯有咬口,但又唔會大硬。對小酷米黎講,食意大利飯最怕越食越乾,只要稍為攤凍小小就會開始結成“一舊舊”,但依隻櫃意外地做到小小保溫效果,真係唔錯,色香味俱全! 其實“貨櫃”內有個小斜枱,並不是載滿晒一整個“貨櫃”。。。但份量都幾豐富,肥妹小酷米都食唔晒 冰焦糖瑪其朵咖啡連小蛋糕(跟餐加NT$60) 飲品可以自選卡通杯,只要你落單時向店員要求就可以。 不過提提各位,餐廳希望大家好好愛錫啲卡通杯,話晒有啲卡通杯都幾難收集,而且坎花左影相就唔靚嫁啦~小心小心。。。 其實依間餐廳重有好多新奇餐盒,比如係行李箱、工具箱、鐵皮車。。。Tank Q絕對係小酷米想一去再去嘅Cafe,希望我下次再去會有胡迪卡通杯啦~ Tank Q 松江南京店 : 台北市中山區松江路90巷3-2號 松菸店 :台北市信義區忠孝東路四段553巷46弄14號 歡迎LIKE我哋嘅FB專頁,謝謝!台灣追星星手記