依間50多年老字號位於松山區,距離小酷米經常入住嘅酒店只需徒步10分鐘,但一直錯過 直至最近,小酷米打算上Google maps發掘酒店週邊境點時發現,網路食評好評如潮 淨係睇佢地門口招牌就知佢地幾巴閉!好多傳媒都黎報導過 小酷米隨便點左2個,一咸一甜 蔥肉白芝麻燒餅 NT$20 外皮果然鬆脆可口、皮薄餡靚,拎上手只要稍為大力少少,外皮就碎開,而且好清楚見到一層一層酥皮,口感豐富。 一咬開個燒餅,肉餡果陣蔥味就立即湧出黎,如果你係"蔥花控"嘅話,你更會一試愛上~ 南瓜白芝麻燒餅 NT$20 同樣係鬆脆外皮,內餡換成香甜嘅南瓜蓉,令"南瓜控"小酷米愛不釋手,超想encore,但可惜已完售 另外,不得不提嘅係燒餅外皮嘅芝麻非常搶戲,真係齒頰留香。。。不過粗粗魯魯嘅小酷米對外皮嘅芝麻又愛又恨,一路食,一路跌,攪到一身都係。。。 網路食評有講過,燒餅每日手工即製,限量生產,賣晒就無,所以想食嘅話,最好上午去"報到" 點擊圖片放大 不老燒餅 地址: 台北市松山區民生東路三段113巷31號 (捷運中山國中站) 歡迎LIKE我哋嘅FB專頁,謝謝!台灣追星星手記