淨園休閒農場 雖然園區不大、動物種類亦唔多,但對於喜歡近距離接觸小動物嘅您嚟講,淨園休閒農場會係一個歡樂天地 淨園休閒農場入面嘅雀鳥品種都幾多,一入到園內就會見到好多同品種鸚鵡、大嘴鳥等等...顏色都非常鮮艷、好精靈,而且有啲重會乖乖企定比你任影,好識做 不過最吸引我嘅鳥類唔係困住鳥籠入面果啲,而係「周街行」果啲! 園區內嘅大水池,除左可以見到黑天鵝同白天鵝自由暢泳之外,重可以見到一群粉紅色嘅紅鶴喺池邊玩水...... 小酷米從未試過近距離接觸紅鶴,因為一直以嚟動物園裡面嘅圍柵都會「教」我哋小動物喺只可遠觀,但淨園休閒農場唔單只無圍柵,而且重支持大家同小動物多接觸、同樂、去學習愛護佢哋 「周街行」嘅紅鶴 淨園休閒農場除左可以近距離接觸鳥類之外,重有羊咩、鹿、豬仔、兔仔等等....重有草泥馬! 大家可以買飼料餵佢哋....... 相信我!只要手上有飼料,你絕對會比劉華更受歡迎 (好可惜,小酷米參觀當日剛好草泥馬園區休息,只好等下次...) 其實園區內亦有一啲「只可遠觀,不可褻玩」嘅小動物,比如係河馬同獅子等等... 若果你一大班朋友一齊旅行的話,園內有BBQ場,而且有燒烤包賣,真係可以安排半日時間於園區玩樂 淨園休閒農場 地址: 高雄市小港區明聖街135巷10弄12號 ( 草衙捷運站-2號出口 轉69公車) 入場費: NT$220 ,其中有NT$100可折換 (飼料,飲品等) *** 淨園休閒農場續集 *** 歡迎LIKE我哋嘅FB專頁,謝謝!台灣追星星手記