香港迪士迪樂園全新園區 "童話園林"已經開幕,因為小酷米係奇妙處處通會員,所以有機會優先體驗。 面積唔大,基本15分鐘咩都行晒,不過勝在啲境幾靚,岩晒鐘意自拍嘅朋友... 園區劃分左6個部份,讓每個公主都有自己嘅私人地方,包括"魔髮奇緣"、"白雪公主"、"美女與野獸"、"灰姑娘"、"小魚仙"同埋"仙子谷",話雖境靚,但我個人認為比較適合啲未夠秤玩"飛越太空山"嘅小朋友去,因為都....幾幼稚.... 點擊圖片放大 +2 玩法: 用手去扭動金色手掣,啟動城堡機關就會有音樂,公主同王子會共舞或者閃燈效果....換句話講,即是XXXL版音樂盒而已,對大人黎講可能真係無聊左啲... 唔知點解我有個預感,樂園應該3日唔埋2日就要維修一次...... 園區入面重有另一特點,小仙子本人會出現喺"仙子谷"同大家會面影相,但小酷米參觀當日因為工作人員嘅安排有點火燙.... 向來要與卡通人物影相都係先到先得,而且需要排隊,我十分理解,但體驗活動當日,我沿住園區內嘅指示牌一直向前行,行到"仙子谷"路口時有個工作人員大字型咁攤大手企喺道,重喝住遊人"截左龍啦~截左龍啦",唔比人過.... 第一,小酷米我成為奇妙處處通會員的3年來,從未試過喺樂園被人喝。喂~大佬呀!體驗日炸,人流唔多,你都攪唔掂啲秩序,已經發晒老皮,正式點算先?員工應否加強培訓? 第二,我唔係比啲工作人員喝都唔知原來小仙子係入面同人影相,指示十分唔清晰,有排隊嘅人話唔知邊道先係龍尾.....再者,我只係跟住條參觀路線黎行,點知"路中心"會有條隊姐? 第三,無錯!我衰..我無用....我黎遲左...我喺截龍前趕唔到黎排隊。但即使"截左龍啦...x2...x3..."我都可以望下小仙子掛? sorry~更正!唔好話望下小仙子,連參觀下"仙子谷"都唔得,唔比入就係唔比入。喺"反斗奇兵大本營"即使截龍,我都可以喺外面睇到胡迪呀!又唔見將"大本營"落閘? 叫我地黎優先體驗就係體驗依啲安排?好多謝呀,堅深刻.....總之,小酷米對依個園區好失望..... 如果要我排隊先入得依個園區參觀嘅話,我打死都唔會去,你懂的.... 歡迎登入Facebook讚好我們的旅遊專頁台灣追星星手記