其實"芝士"真係好惡毒!你明知食左會肥幾磅,但係你都會追住食.... 轟炸雞扒顧名思義,當然係賣炸雞扒,但佢地所賣嘅炸雞扒唔只食得,重玩得添! 將Mozzarella芝士釀入雞扒中,當咬開雞扒時,Mozzarella芝士就會有牽絲效果,而且芝士嘅份量係多到拉唔斷,所以店主就攪左個"拉絲風雲榜",計算芝士牽絲嘅長度,榜首係由一名男大學生奪得,紀錄係有420CM長,堅勁!! 聽聞如果破到最高紀錄可以免費食雞扒 點擊圖片放大 小酷米自知技不如人,冇嘗試挑戰榜首,不過啲芝士都真係幾拉得下.... 拉到我伸直晒對手條芝士都重好堅韌,而且塊雞扒又大塊又好味!我當日食果款係梅子口味,雞扒上面灑左啲梅子粉,酥炸喊香得黎又帶點甜甜酸酸,剛好中和左油膩感,老實,本身認為梅子粉只適用於水果、甜品,原來配喊食都幾好味 點擊圖片放大 食完炸野咁熱氣,最岩飲返杯鮮泎果汁...... 喺轟炸雞扒對面間台式飲品店"愛新鮮喝吧",標榜天然唔加糖,而且你幫襯轟炸雞扒之後再去買果汁會有減NT$5嘅優惠 我點左杯百香果冰沙,飲落真係幾清幾舒服,如果即場打卡按讚重有小食送添 轟炸雞排 / 愛新鮮 喝吧: 中正區新生南路12巷 (忠孝新生捷運站) 提提大家.... 出發前最好上佢地FB睇下有冇開門做生意,因為小酷米對上一次滿懷期待咁去,點知比個公休牌"技術性激倒"..... 真係激到我眼淚在心裡流.... 歡迎登入Facebook讚好我們的旅遊專頁台灣追星星手記