想喺office同屋企種啲綠色植物,但又怕打理麻煩?近期大熱嘅玻璃生態盆景就啱曬你啦~ 其實生態盆景呢個概念已經有好耐歷史,但係香港就近年先興起。 玻璃盆景屬於自我循環嘅生態系統,自給自足,唔使特別打理,啱曬繁忙嘅香港人! 盆景主要由天然石材、青苔/厚肉植物同仿真動物裝飾而成,係一件充滿個性嘅藝術品:) 上到工業大廈嘅工作室,見到好多好得意嘅生態盆景! 隻兔仔喺個玻璃蛋裏面真係好可愛,隔離個城堡都好靚呀~ 呢個時候....Kongirl就開始擔心究竟難唔難整架... 好彩~呢度有盆景設計師一步一步咁教大家慢慢做,包保做到靚靚盆景啦! 第一步,就要揀個容器先,容器分為密封式容器同開放式容器。 密封式容器就比較啱青苔生長,開放式容器就啱厚肉植物。 朋友就揀咗密封式容器,而Kongirl就揀咗開放式容器啦! 跟住就要鋪好個基底層-疏水石,無論用咩容器都需要架。 跟住要輕輕噴濕水苔,再鋪喺面。 之後再鋪上裝飾石。 由於Kongirl揀嘅係開放式容器,所以可以選擇厚肉植物。 厚肉植物都有好多選擇,可以揀自己鍾意嘅一款! 唔.....將植物移植到自己嘅盆景度係最難嘅一個步驟, 大家需要十分小心,而且都幾巧功夫。睇Kongirl移植完植物後嘅戰況可以略知一二>_< 移植完植物就可以裝飾盆景啦~枱面會有好多裝飾品任君選擇! 大家可以根據自己唔同嘅喜好,製作成具個人特色嘅生態盆景! 盆景設計話話,除咗木製品,塑膠或者金屬配件都適合用嚟裝飾盆景, 所以大家都可以帶鍾意嘅小物品嚟裝飾自己嘅盆景~ Kongirl就揀咗羊咩咩、蘑菇、同埋七星瓢蟲嚟裝飾~ 裝飾嘅底部有微型插針,方面固定裝飾品。 而朋友呢個就以wedding做主題。 由於品種唔同,呢隻植物係唔適合照陽光,啱曬擺喺office! 而Kongirl呢隻需要陽光,但唔使長時間照射,擺喺屋企或office都得! 嚟張大合照先(≧∇≦)大家覺得邊個靚啲呢? Kongirl上去嗰時見到有兩個男仔自己喺度整,原來佢哋都係整嚟送俾女朋友㗎! 大家想送份花心思嘅禮物俾朋友或者伴侶,不妨考慮下玻璃生態盆景啦~:) *非合作,純分享 —————————————————————————————- 想知多d 香港有咩好去處同有咩餐廳推介, 就痴實我地女孩像我 Kongirl like me 啦 ~ FB: http://www.facebook.com/kongirlikeme Blog: http://jmc.hksyu.edu/jour395/w15p2/ instagram: kongirlikeme