講到要去公園,除左細細個落街玩嘅公園仔之外,相信大家都會諗起兩大主題公園。但係兩大主題公園落成前,究竟香港人去邊到玩呢?答案就係於1864正式開放嘅香港動植物公園。雖然動植物公園冇機動遊戲,亦唔似動物園咁有唔同種類嘅動物,但公園鳥語花香,不失為週末放鬆嘅好去處。 有「兵頭花園」之稱嘅香港動植物公園分為東、西園區兩部份,西面係哺乳類同爬行類;而東面就係鳥類同溫室。最初建成嘅時候,係先開放東面,後來再加建西面部分嘅園區。建議大家先行哺乳類同爬行類嘅園區先,之後再行鳥類同溫室園區。 哺乳類及爬行類園區主要有猩猩、猴子等哺乳類動物,而駐守爬行類嘅就主要有烏龜。 點擊圖片放大 +3 每個籠前面都有塊牌講介動物嘅名稱、特性同生活習慣等,大家可以從中知道唔同動物嘅特性。 之後穿過園區入面嘅行人隧道,就會去到噴水池平台花園。除左有地標噴水池之外,附近仲有幾塊地種左唔同種類嘅花,可以慢慢欣賞。而附近亦有唔少長櫈,可以坐係到抖陣先再行過。點擊圖片放大 +2 之後就行埋烏類園區同溫室。提提大家,要行斜路上去,大家記得著對舒服嘅鞋行。途中經過竹園,發現左樣得意嘢! 坐耐d 都怕兩隻馬騮會攰 ! 點擊圖片放大 +2 除左可以搭車落返山之外,其實可以行落山架 ~ 1. 係溫室旁邊個門口出 2. 沿天橋行落去後轉左,然後直行 3. 沿馬路直行,至右邊有樓梯落 4. 落樓梯後轉左後繼續落樓梯 5. 落樓梯後見到大馬路轉右至見到28號小巴站過馬路點擊圖片放大 6. 過馬路後穿過橋底,就會見到纜車徑路牌,沿路行落去 左邊仲可以見到纜車 7. 之後沿右邊條路行就去到香港公園 入到香港公園就梗係要影下個瀑布啦 !點擊圖片放大 +2 坐係呢張櫈就可以同瀑布合照 ! 穿過埋香港公園同太古廣場,就可以到金鐘港鐵站 ~ 香港動植物公園 開放時間: 噴水池平台花園 上午5時至下午10時 溫室 / 教育及展覽中心 上午9時至下午4時30分 其他 上午6時至下午7時 地址:香港中環雅賓利道 可選擇乘搭巴士: 從中環開出 3B, 12, 13 從金鐘開出 12A, 12M, 40M, 40P, 40 從銅鑼灣開出 23A, 23B 從北角開出 23 從樂富開出 103 —————————————————————————————- 想知多d 香港有咩好去處同有咩餐廳推介, 就痴實我地女孩像我 Kongirlike me 啦 ~ FB: http://www.facebook.com/kongirlikeme Blog: http://jmc.hksyu.edu/jour395/w15p2/ instagram: kongirlikeme