聽日就係成個星期最期待嘅weekend啦~諗到去邊玩未呢? 未?唔緊要~Kongirl帶你遊不為人知不為嘅隱式市集! 今次Kongirl帶大家去嘅市集唔喺工業大廈入邊,係喺工業大廈出邊,而且仲喺正馬路隔離! 嚟得市集,當然唔少得嚟睇下檔主嘅私伙古著,包保件件都獨一無二,唔會撞款! 點擊圖片放大 當然都唔少得精緻嘅銀製飾物~每一條手工都好細緻,比得上大牌子! 點擊圖片放大 Kongirl對呢一檔印象最深刻!因為佢哋show短片俾Kongirl睇,張卡燒著會有咩效果! 呢張識著火嘅卡係佢哋自家設計嘅。當紙張燃燒完,對方就可以見到你所寫嘅一字一句架啦!有生日卡同心心卡俾你揀~ 仲有呢張玩得又寫得嘅足球/籃球卡,係送俾男仔唔錯嘅選擇! 呢間就係以七巧板為主題嘅皮製首飾,檔主將七巧板嘅變化發揮得淋漓盡致,要咩圖案有咩圖案:) 點擊圖片放大 呢間嘅首飾好靚好少女!檔主將乾花擺落玻璃裏面,可以將花好好保存。 除咗首飾之外,仲有防塵塞架!真係又靚又實用!! 首飾唔啱唔緊要,有又靚又實用嘅卡片,可以令你好好瞓一覺嘅香薰~ 市集包羅萬有,快啲嚟喺度行下逛下度過一個悠閒嘅假期啦~ 同場加映一架好復古嘅車:) 仲有仲有,由於呢度鄰近彭福公園,可以順便過去行下~~ 想睇更多? https://www.youtube.com/watch?v=XPI14yMkBXI 點去? 地址:火炭站坳背灣街57-59號利達工業中心地下 前往方法:火炭站D出口,沿坳背灣街直行就到(約10分鐘) 開放時間:1 p.m. to 7 p.m. ---------------------------------------------------------------------------------------- 想知多d 香港有咩好去處同有咩餐廳推介, 就痴實我地女孩像我 Kongirlike me 啦 ~ FB: https://www.facebook.com/kongirlikeme Wordpress: http://jmc.hksyu.edu/jour395/w15p2/ instagram: kongirlikeme