芒果於夏天盛產,又香又甜真係令人難以抗拒!今次Kongirl 就以夏天當造嘅芒果整成消暑甜品,大家不妨參考下啦 ~ 材料 (3 – 4人分量): 芒果(中等size) 2個 芒果味啫喱粉 1盒 魚膠粉 1茶匙(如果想硬d 可以多加1茶匙) 牛奶 236ml(一盒屋仔size) 雞蛋 1隻 滾水 300ml 糖 2茶匙 事前準備功夫: 1. 將芒果切成細粒。 * 若嫌核附近的果肉有絲,可選擇不以該部份製作甜品。 製作步驟(附短片): 1. 先將啫喱粉及魚膠粉拌勻。 2. 然後加入蛋進啫喱粉及魚膠粉中,拌勻。 3. 將滾水倒進混合物中,加入糖,拌勻待涼。 4. 混合物放涼後,加入牛奶,拌勻。 5. 以匙去掉混合物表面的氣泡。 6. 於另一器皿上鋪上芒果粒。 7. 將混合物倒進器皿中。(不用拌勻,因芒果粒會浮) 8. 放進雪櫃(下格)冷藏約3小時至凝固。 —————————————————————————————- 想知多d 香港有咩好去處同有咩餐廳推介, 就痴實我地女孩像我 Kongirlike me 啦 ~ FB: http://www.facebook.com/kongirlikeme Blog: http://jmc.hksyu.edu/jour395/w15p2/ instagram: kongirlikeme