漫步屋邨花隧道 (附加美食提案)

春天除左潮濕之外, 仲係繁花盛開嘅季節。香港盛開嘅花品種多, 各個公園同屋邨都成為攝影天堂。今次 Kongirl 就帶大家去到長沙灣元州邨既勒杜鵑花走廊, 影下相之餘, 仲會帶大家係長沙灣遊走, 發掘唔同食店 !

位於元州邨嘅勒杜鵑花走廊最初並唔係咁靚, 直到近幾年先開始變得咁茂盛, 吸引好多人嚟影相。可惜嘅係從高空望落去, 中間斷開左, 但絕對唔會影響係花走廊入面影相。長沙灣 元州邨 屋邨 勒杜鵑花 花隧道 美食 提案

長沙灣 元州邨 屋邨 勒杜鵑花 花隧道 美食 提案

長沙灣 元州邨 屋邨 勒杜鵑花 花隧道 美食 提案

長沙灣 元州邨 屋邨 勒杜鵑花 花隧道 美食 提案

長沙灣 元州邨 屋邨 勒杜鵑花 花隧道 美食 提案

長沙灣 元州邨 屋邨 勒杜鵑花 花隧道 美食 提案

長沙灣 元州邨 屋邨 勒杜鵑花 花隧道 美食 提案

影完相之後當然要醫下肚啦 ! Kongirl 精選4間食店, 當中有正餐同小食, 相信可以滿足到大家嘅要求

1. 桂記順興隆荳品廠
桂記順興隆荳品廠位於順寧道, 下午3、4點呢段時間就最多人, 近乎逼爆全間店。一場嚟到就當然要叫「全餐」啦 ! 所謂嘅全餐即係豆花、豆漿同煎豆腐。荳品廠鋪面後面就係工場, 保證唔係買出面嘅貨。

所有豆製品都十分滑溜, 而且豆味香濃, 真係好想再 encore ! 煎豆腐煎到微焦, 脆脆地嘅外層包住滑嘅豆腐, 真係食唔停口; 加埋店內提供嘅辣醬就仲惹味 ! (Kongirl 最刷得個排, 可以一次過食2碗豆花, 飲3杯豆漿同1碟煎豆腐, 可想而知有幾好味 !)長沙灣 元州邨 屋邨 勒杜鵑花 花隧道 美食 提案 桂記順興隆荳品廠

長沙灣 元州邨 屋邨 勒杜鵑花 花隧道 美食 提案 桂記順興隆荳品廠

長沙灣 元州邨 屋邨 勒杜鵑花 花隧道 美食 提案 桂記順興隆荳品廠地址: 長沙灣順寧道451號鋪

2. 富林御麵食品
唔好以為 Kongirl 叫你去買生麵返屋企煮, 呢個鋪頭除左賣粉麵之外, 即有賣腸粉、燒賣等小食, 價錢仲好相宜, 最適合當下午茶。腸粉夠滑之餘, 仲可以加自己鍾意嘅醬, 份量剛剛好之餘又唔會太飽。長沙灣 元州邨 屋邨 勒杜鵑花 花隧道 美食 提案 富林御麵食品

長沙灣 元州邨 屋邨 勒杜鵑花 花隧道 美食 提案 富林御麵食品地址: 長沙灣順寧道順輝大廈地下 (投注站再行前少少, 近保安道街市)

3. 金園茶餐廳
除左小食外, 長沙灣最多嘅相信係茶餐廳。金園最出名嘅就係蛋撻同菠蘿包。菠蘿包面個層皮好脆, 加埋大大個鬆軟嘅麵包都係$4.5, 好味之餘仲要好抵食!

另外必點嘅係蛋撻同熱奶茶。只要到2點左右, 茶餐廳就會賣新鮮出爐蛋撻, 每日仲要有幾轉, 拎得出去好快就賣完。坐係餐廳入面, 只要見到兩道大門打開, 你就知道又有蛋撻出爐, 仲要離遠已經聞到蛋香味。

蛋撻一個$5.5, 仲貴過個菠蘿包? 蛋撻個蛋好香蛋味, 仲要好滑; 加埋個酥皮直情係 perfect match ! 雖然係貴過個包, 但都物超所值! 當然唔少得就係一杯香滑奶茶啦 ~ 想食飽d 都有唔同茶餐選擇架 ~ 長沙灣 元州邨 屋邨 勒杜鵑花 花隧道 美食 提案 金園茶餐廳

 長沙灣 元州邨 屋邨 勒杜鵑花 花隧道 美食 提案 金園茶餐廳

 長沙灣 元州邨 屋邨 勒杜鵑花 花隧道 美食 提案 金園茶餐廳

 長沙灣 元州邨 屋邨 勒杜鵑花 花隧道 美食 提案 金園茶餐廳地址: 長沙灣青山道314號鋪

4. 一心日本料理
最初係長沙灣永隆街開鋪, 名命為達人日本料理。後來生意愈做愈好, 擴展到係附近嘅元州街開鋪, 係區內幾有名氣, 同時亦係同區少有嘅日本茶廳, 最近改名為一心。

每日下午都提供唔同餐, 當中有飯、拉麵、壽司定食、便當等等。個人首推魚生飯, 魚生片新鮮之餘, 飯量亦足夠, 而且有水準保證。想食日本菜又唔想行到西九龍中心咁遠, 不妨試試 ~長沙灣 元州邨 屋邨 勒杜鵑花 花隧道 美食 提案 一心日本料理

長沙灣 元州邨 屋邨 勒杜鵑花 花隧道 美食 提案 一心日本料理地址: 長沙灣元州街324號鋪 (萬寧旁)

下次 Kongirl 再帶大家周圍搵野玩同搵野食 ~ ^^

—————————————————————————————-

想知多d 香港有咩好去處同有咩餐廳推介, 就痴實我地女孩像我 Kongirlike me 啦 ~

FB: http://www.facebook.com/kongirlikeme

Blog: http://jmc.hksyu.edu/jour395/w15p2/

instagram: kongirlikeme

This entry was posted in 九龍, 其他, 日式菜, 消閒 and tagged , , , , , , , , , , , , , , , . Bookmark the permalink.

2 Responses to 漫步屋邨花隧道 (附加美食提案)

  1. kaoriBB says:

    我食過桂記呀!豆花唔錯~

Comments are closed.