早前佛誕假期,吃厭了屋企附近的餐廳,在雙親”中菜限定”的大前題下,又再出走佐敦飲茶。既然放假,飲飽茶就緊係唔即刻返屋企,無無聊聊走左去九龍公園行下,當做運動都好!最後還是走到公園內的香港文物探知館,參觀了最新的「郵歷香江」展覽… 去飲茶,蝦餃、燒賣和腸粉一盅兩件是必須的… 由香港郵政和古物古蹟辦事處主辦的「郵歷香江」,以清拆了的舊郵政總局大樓為主題,細味香港郵政歷史(1911-1976)。 「郵歷香江」展覽,展期有限(至26/08/2014),但歷史無限… 老豆阿媽一看見舊郵政總局大樓的模型就開始話當年,仲問在下記唔記得呢樣同o個樣?!但係棟建築物拆既時候,我仲未出世,佢地真係睇得起我~ 紅色派信單車 “士頭婆年代”既郵筒 舊郵政總局大樓建於1911年,至1976年清拆,原位置是中環畢打街和德輔道中交界,現在環球大廈的所在地。每天為市民提供各種郵政服務,包括匯票和電訊服務。現位於中環康樂廣場的郵政總局,於1976年啟用,承接了舊郵政總局大樓的使命,繼續為香港服務。 近期新係去到邊到都見到有Lego創作既展品,作者都係參考資料圖片而砌成呢座歷史性建築物 舊郵政總局大樓樓梯的欄杆和大柱 來一個紀念章 每個行業都有一套術語,如飲食業的「靚仔」是白飯,舊郵政總局常用的,你又知道多少?我喜歡「炒蜆」,可能比較in… 棺材車,送晒你地上廣州! 48格的分信檯 自動售賣郵票機 色彩繽紛的信箱,現在都買少見少,又是歷史的一個印證 郵歷香江A Journey through Hong Kong’s Postal History 1911-1976 展覽期間:29/04-26/08/2014 開放時間:10:00 – 18:00 (Mon-Wed, Fri) / 10:00 – 19:00 (Sat-Sun & Public Holidays) 展覽場地:九龍尖沙咀海防道九龍公園香港文物探知館專題展覽廳