《和牛一頭燒肉 - 房家》我自己好鍾意呢一間㗎 有時來到東京唔知食乜都會走入去食 佢當然都係主打烤和牛啦 而且佢個價格比好多地方都平,皆因佢係成隻牛咁買 所以成本價會平啲 而且單喺東京已經有六間分店,主要遍佈喺上野同日暮里嗰頭 佢平日個lunch其實仲抵食2400Yen 就已經可以食到A5和牛啦而晚市提供嘅就大部分都係A5同少量國產牛 而且由於佢成隻牛咁買,所以佢稀少部分嘅肉數量都多 Click下面條link就可以見到餐牌啦https://www.bou-ya.com/wp/wp-content/themes/bou-ya/img/sub/menu201903_2.pdf有個別嘅分店有得立食,而我去嘅上野分店都有 佢有中文同英文menu,不過記載嘅菜式數量就少好多 所以我建議大家都係攞日文menu 醬汁提供兩款,鹽同埋灑上芝麻嘅烤肉豉油 我就叫咗三款稀少部位,都係叫細碟三角バラ (三角肋骨肉)はねした (羽下肉)いちば (尾根肉) 1. 三角バラ (三角肋骨肉)三角バラ一向都好受人歡迎 佢油花分佈平均,夠肥美、油脂又濃,而且肉質比較淋 屬於比較邪惡嘅肉 我就將佢燒到7-8成熟,啱啱好 2. はねした (羽下肉)はねした即係頸後面肩膀中間個位 油花都豐富,而且無筋,咬落都比較軟嫩 我自己就最鍾意呢一個,唔會太肥之餘又有肉味 3. いちば (尾根肉)いちば係指後腰至臀部、直至後腿部位的肉 越接近臀部,膻味就會越重 不過我呢幾塊都係比較接近腰部,所以就冇膻味 いちば油花會比較少,反而肉味比較濃郁 另外我再嗌咗碟 牛舌Combo!!!!!!!!!!!作為牛舌愛好者嘅點可能錯過同坊間嘅厚切 / 薄切牛舌唔同 房家嘅牛舌set係成條脷每個部分切一塊,可以食到上下左右前後脷嘅感覺 牛舌一般油脂都比較少 望呢六塊牛舌,都好明顯見到每一塊嘅油脂分佈都好唔同 我就覺得厚切嗰兩塊最好食,因為有啲油脂之餘又夠爽脆 另外其他幾舊比較薄身都好食,我最鍾意牛舌嗰種爽脆感點擊圖片放大 +2 另外我真係好耐冇飲過正正常常嘅湯,同食過正正常常嘅飯 所以叫咗碗辣豆腐湯同白飯 食到碗白飯真係好感動,從外都未試過因為食到白飯而咁開心 Overall其實質素真係唔差 肉質肥美同油份香口,三角バラ一更加做到入口即化感覺 而且呢度1個人黎都好適合,有得叫細份嘅肉,方便大家可以叫多幾款 其實我最後真係夾硬食曬,真係分量好多