Lima舊城區 / 歷史城區舊城區好大一般遊客會去到嘅都係Plaza De Armaz武器廣場同唐人街嗰邊如果你係搭捷運巴士去,可以係 Estación Colmena / Estacion Jirón de la Unión 落車我就建議大家喺Estación Colmena落車 因為一落車行幾步已經會見到聖馬丁廣場聖馬丁廣場 Plaza San Martín聖馬丁廣場係Lima嘅signature之一喺1921年開幕,慶祝秘魯獨立100週年而中間嗰尊紀念碑係紀念秘魯解放者何塞·德·聖馬丁 呢個廣場會有警察駐守但佢哋都好好人,好主動解答旅客嘅問題另外周圍嘅建築都保留住西班牙殖民復興嘅風格,我覺得都好有特色 係Hotel Bolívar右邊有條小路,嗰度都幾多找換店係我成個旅程唱錢匯率最靚嘅地方例如兩日前係Arequipa係1usd : 3.33sol ; Lima係 1usd : 3.38sol 找換店街隔離有條步行街一路慢慢行就可以去到武器廣場不過可能時間太早,好多鋪頭都未開 我以為呢座係咩歷史建築點知行到入去原來係個百貨公司 Lima Plaza De Armaz 武器廣場呢度係全個利馬最古老嘅廣場 1535年建立,係標誌住Lima成立嘅地方總統府同大教堂都位處於此,睇得出佢有幾重要 喺正中間有個黑色嘅噴水池咁啱今日嘅天色又麻麻,所以有一種陰沉嘅感覺 利馬大教堂都係一個幾多旅客參觀嘅景點佢經歷過三次地震,重建又重建大家見到嘅呢個外貌大致上係19世紀所重建,當然有啲細節嘢好多時都要歷久翻新啦 佢採取典型西班牙建築風格,屬於雙尖塔大教堂而且外觀係巴洛克式歐洲風格,可以見到佢啲雕刻係繁複但又好精緻 呢一座就係總統府 每日上午同下午都各有一場士兵換崗嘅儀式不過無論咩時候,遊客都唔可以進入,只可以隔住鐵欄望下 除咗呢兩邊嘅灰白色建築,Lima武器廣場另一大特色就係另外兩邊建築都係黃色所以呢個武器廣場完全係比黃色同灰白色包圍,畀我一種感覺係古樸mix南美嘅熱情 右邊嗰座係 Lima市政廳Palacio Municipal de Lima呢度嘅黃係鮮豔奪目嗰種 如果喺陽光嘅照射下,應該會映襯到成個廣場都好有活力 以前呢度治安唔係咁好,經常會發生搶劫事件不過Lima警方呢幾年都加派人手喺度巡邏而且遊客數量其實好多,只要自己小心啲應該冇問題 同Arequipa好唔同嗰邊嘅建築多數係白色為主,但Lima卻係色彩繽紛 Casa de la Literatura Peruana 利馬文學/圖書館呢座圖書館係免費開放 佢係由舊時Lima火車站改建而成 所以行到盡頭都可以見到仲保留咗一條路軌 網上面冇一個明確嘅中文名 但呢座建築入面設有圖書館同一啲Lima文學嘅展覽 喺路軌隔離亦都有非常多枱枱櫈櫈比當地人坐低睇下書同報紙 我覺得成個文學館最特別嘅地方就係個天窗 設計得非常漂亮,令到成個館個氣質提升左十倍 聖方濟各聖殿與修院 Basílica y Convento de San Francisco de Lima聖方濟各聖殿與修院係利馬歷史中心比較受歡迎嘅建築 佢喺1991年已經被列入世界文化遺產 教堂內無論天花定係墩柱之間都係用上拱形設計我唔肯定係唔係羅曼式建築,本身對建築風格唔算太有認識 聖方濟各聖殿與修院有兩個地方係最受歡迎,圖書館、地下墓穴不過如果要參觀呢兩個就一定要有解說員陪同咁啱我嚟之前有一團已經入咗去,所以我就費事等冇入去參觀秘魯國會大廈 Congress of the Republic of Peru行去唐人街嘅途中會經過秘魯國會大廈不過我當時因為佢唔開放所以冇得近距離繞場一周 附近環境點擊圖片放大