抵達 Lima好多人都話Lima交通擠塞問題好嚴重 當我踏入Lima市中心個刻就已經睇到,周圍都塞車 好唔容易先去到巴士總站 又幾靚喎 然後就即刻搵的士出Miraflores (S/.14)途中見到好多光鮮嘅高樓大廈,先進嘅地方我嚟啦 我今次住嘅地方係MirafloresMiraflores係Lima嘅其中一部分,相對比較發達即係好似香港嘅銅鑼灣、尖沙咀咁而治安亦都相對安全,所以好多遊客都會選擇住喺嗰邊我喺嗰邊夜晚行,基本上都唔需要太顧慮啲咩,非常安全我今次住喺Flying Dog Hostel我要嘅單人房都係有獨立廁所 Miraflores夜晚好熱鬧 車水馬龍、人山人海 而且呢邊都好推崇市民用單車代步馬路仲特登設一條單車路,即係紅色嗰條連紅綠燈中,單車都佔一席位我住嘅旅館對面就係Miraflores其中一個地標 Kennedy Park 呢個公園夜晚好舒服呀 好多人都喺度散步 更加有啲小販攤檔聚埋一齊賣下手工藝品 場面好熱鬧 美食推介Barra Maretazo晚餐我就揀咗Barra Maretazo呢一間餐廳價錢適中,而且就位處Miraflores 裝修簡單、但有帶有濃厚嘅海洋氣氛入面好多嘅擺設都係用海洋作為主題 就連入面嘅店員都係穿著具備南美海灘色彩嘅衣服 而且佢哋英文都非常流利 老闆見到我係亞洲人就即刻主動同我攀談佢更加帶我周圍參觀呢間餐廳表達畀我知佢係好鍾意海洋,所以成間餐廳都係用佢作爲主題而且入面好多枱枱櫈櫈都係用舊嘅製船木材製成,以表示支持環保原來佢曾經喺美國住過,但最後都係好掛住秘魯而返嚟家鄉發展我臨走前佢更加送咗啲紀念品畀我 真係又食又拎 不過吹幾多水都冇用,餐廳質素先係最重要先畀大家睇下個menu一般唔少人嚟到都會叫Combos (S/.36),可以四樣嘢揀兩樣 對於我呢啲一個人去食叫兩碟餸又多咗啲,而家一碟兩食就very good而且其中一個選擇仲係秘魯名物 Ceviche (檸汁醃魚生)而另外三樣分別係海鮮焗飯、中式炒飯、炸鷄黎到秘魯,已經好多人推介我一定要食Ceviche話係每一個去秘魯嘅人都一定要食嘅野其實周街都有得食,甚至係小販檔都有不過基於衛生問題,尤其係食魚生,所以都係去返啲清潔程度比較好嘅地方首先畀咗一兜炸粟米粒 好香脆,面頭啲鹽再配合粟米嘅甜好好味我諗住喺香港得閒都整啲食當係零食 不過呢度叫支Inca Kola價錢就貴d啦之前係Cusco Arequipa餐廳都係 S/.6,但呢度就成S/.8仲要好細樽 主菜終於嚟到喇兩樣嘅份量都好多而且擺都好靚,兩隻貝殼襯托海鮮焗飯 先講下海鮮焗飯啦海鮮焗飯入面有鮑魚仔、蝦、魷魚、扇貝,非常豐富另外個醬汁就係用熟成番茄、忌廉汁、 黃薑粉、辣椒粉(少少)煮成每粒飯都係好入味,味道濃厚,口感相對比較綿 而且喺米方面都有別於一般秘魯平民家庭佢呢度嘅米比較大粒有咬口但之前喺秘魯其他地方食到嘅米飯就比較鬆散但個飯真係好好味,比多一碗我都食得落輪到Ceviche唔同嘅餐廳可能會用上唔同嘅魚呢度嘅魚我估應該係鱒魚,魚肉呈粉紅色咬落去口感比較淋 醬汁係用咗檸檬汁、 洋葱、辣椒溝成其實就同泰式嘅酸辣汁係大同小異當佢配埋啲魚肉一齊食,更加帶出魚肉嘅甜味 個底再鋪咗啲大粟米粒,撈埋啲汁一齊食又係好正Overall真係好推介呢間餐廳畀大家價錢按質素而言相當合理,人均消費約 S/.35-50食物選擇亦都好多,連一個人黎都冇問題食物質素都好高!