Colca Canyon一日團呢一日真係好早起身要參加過一日團目的地就係叫Colca CanyonColca Canyon根據數據顯示係全球第二深嘅峽谷 (3270公尺)比起美國超級出名嘅大峽谷足足深咗2倍不過聽聞中國有個峽谷先係最深,Colca Canyon事實上係排第三先啱要行呢個峽谷都唔容易因為佢最高嗰點都成海拔4900米而平均步行嘅高度都要海拔~3500米所以一定要食藥預防高山症要參觀Colca Canyon就梗係有團可以報啦一般就分兩日團 / 一日團兩日團就需要步行上山一日團就係巴士團,全程坐住車上 (3am - 5pm)兩者都可以係Plaza De Armaz附近旅行社報 我就冇問到兩日團我自己報嘅一日團價錢係 S/.80 (包自助午餐)、S/.50(唔包午餐)個價錢大部分旅行社都係咁樣如果你本身真係慳得就慳,就唔使刻意去食佢個午餐因為個午餐地點附近都有啲小舖頭去食當地平價嘢但我嗰陣驚唔知有咩食,所以就畀咗錢食佢呢個自助午餐另外就真係要問定個團有啲咩團友尤其你唔識西班牙文,可以同你同聲同氣嘅人我當時問咗,旅行社就話有幾個應該識講英文因為距離好遠,所以個團3am就出發成個人都矇矇矓矇咁搭車呢次搭嘅都係啲細van仔 搭咗幾個鐘車就去到另一個城市叫Chivay幾乎所有團都係喺呢度先食早餐 然後搭多一陣車就去到第一個景點Iglessia de Santa Ana de Maca 聖瑪卡教堂呢座教堂係1759年成立,並喺2006年完成重建 附近都有啲手信攤檔亦都有啲當地居民會帶住隻草泥馬,旅客畀錢 (S/.1 or 2) 就可以同草泥馬影相 之後就再上車,一路向山上面行冇幾耐又擺低我哋叫我哋睇下周圍嘅環境就咁望真係風光明媚再加埋藍天白雲就真係perfect 川流不息、梯田層次分明、山勢氣勢磅礡 去到呢個亭仔之前導遊走過嚟問我哋收入場費 S/.70 之後就一路向上邁進安第斯神鷹 Andean Condor去到Mirador Cruz del Condor係所有團都一定會喺度逗留可以畀你企喺個邊位睇下個峽谷同安第斯神鷹 Andean Condor 好多人都係慕名而嚟睇安第斯神鷹 Andean Condor呢種鷹張開對翼嗰陣可以超過3米,雄性嘅安第斯神鷹更加可以重15公斤係西半球最大隻嘅飛行鳥類當天晴、冇乜雲嗰陣係最容易見到安第斯神鷹 Andean Condor因為佢哋係借助太陽光線產生嘅上升氣流幫佢哋容易啲係高空獵食大家記得見到位就攝入去啦因為真係好多人,大家都圍著欄桿 拿!!!呢度已經有三隻啦!! 不過遠睇就感受唔到佢有幾大隻但見到佢開始飛行,全場都好興奮不斷舉起相機 chap chap chap 之後陸續都有幾隻神鷹係上空飛行大家都紛紛捕捉呢啲時候 可恨嘅係自己今次帶咗支11-22mm鏡......搞到完全zoom唔到影大啲但講真,就算你去嗰日睇唔到神鷹周圍嘅環境都已經係好靚可惜唔可以太接近崖邊唔係好影到個大峽谷有幾深 仲有塊牌棟喺度話畀你知呢度最出名就係睇安第斯神鷹 Andean Condor 梯田下一個景點就帶我哋去睇梯田對於喺Cusco睇過嘅我其實真係吸引力不大不過由呢一個角度望過去啲梯田,從美感上又真係幾靚而且係咁高嘅位置, 又係好似一個天空之城 而且梯田嘅面積非常大,成個山頭都係梯田個感覺其實都好震撼呢度都有隻草泥馬,當然都要收錢先有得影相 溫泉睇完梯田,就輪到導遊稱之為重頭戲嘅浸溫泉途中會見到有個地方可以玩飛行索道導遊都有問我哋玩唔玩降落地點就係溫泉區嗰度 轉個靚彎摘去到浸溫泉嘅地方見到左手邊有水蒸氣嗰度就係啦 冇錯呀,個溫泉係室外溫泉而且要自備入池嘅衫褲同替換嘅衣物入場費係S/.15一個人,一小時體驗我冇諗過居然大部分人都去浸三團人裏面,得八個人冇去浸成三十幾個人逼喺幾個細池入面 不過我冇去浸就唔知佢有咩特別功效啦話唔定浸完就回復青春、身心舒暢唔浸嘅幾個人就不打不相識咁坐喺條溪邊一齊吹水直至一個鐘之後大家浸完準備上班車 講真啦,作為亞洲人平時附近嘅台灣日本都大把地方等住我去浸啦,而且人地環境舒服好多同埋我嫌麻煩,費事周圍換來換去自助午餐大家relax完就搭車返Chivay食lunch 係Chivay附近其實都有啲當地餐廳,就算唔食自助午餐都有其他更平選擇 嘢食嘅選擇其實都唔少有沙律、熟食、甜品、生果 整體味道都係正正常常唔會難食,而且一定食得好飽好飽食完飯下一個行程......就已經係返市區其實根本就係半日遊純粹搭車要搭好耐 返到市區都6pm咁我就周圍行下,用雙眼去記錄低呢個咁靚嘅城市