Hatunpa (薯仔餐廳)秘魯同玻利維亞都係出產薯仔數量非常多嘅國家而且唔單止數量多,品種更加多所以我呢一餐特登揀咗Arequipa非常出名食薯仔嘅餐廳 Hatunpa 餐廳非常靠近聖凱瑟琳修道院 Santa Catalina Convent / Monasterio de Santa Catalina佈置簡單、舒服,而且充滿南美風格 店員首先會問你來自邊度之後就會送上對應嘅旗仔而且上面仲會印上對應地方係點稱呼“Potato”呢樣野 比大家望下menu先價錢非常合理,唔算貴一碟切片薯仔上面加肉或其他配料都係 S/.20内 基本上每碟會有三種安第斯(Andean)薯仔如果你加 S/.3 更加可以升級為7種薯仔 ( 3 Andean , 3 Native , 1 sweet potato) 我就緊係升級啦 叫左個 Rocoto Relleno estilo HatunpaRocoto Relleno係秘魯菜,中文可以叫牛肉釀辣椒 大家可以見到薯仔有好多唔同顔色 有兩三種個顔色都好似,真係要超仔細去望先分到橙色嘅番薯好甜深紫色就係平時普通薯仔味 兩隻淡黃色(深啡 / 淺啡皮) 就薯味偏淡内紫色都係薯味偏淡 最淺色個款接近白色嘅反而薯味最濃黃色個款都係普通薯仔 另外我會推薦大家叫濃味醬汁/配料會好d因爲本身薯仔係無調味,非常依賴配料嘅味道例如我叫呢個 Rocoto Relleno 牛肉釀辣椒入面有免治牛肉、紅蘿蔔、辣椒、蛋等等味道夠濃,而且帶有辣味,非常開胃 我自己都頗推薦呢間餐廳因爲好難得可以試下唔同薯仔,尤其本身薯仔係呢度名物味道上都唔差 加上價錢方面都算好抵 Pasta Canteen夜晚嗰餐就去試好耐之前已經bookmark咗嘅一間平民意粉餐廳 Pasta Canteen 佢個裝修都幾有特色,有種懷舊感覺不過鋪頭唔大,座位都比較少我七點半嚟到都已經要等兩三個字 畀大家望下個餐牌先 佢有兩樣嘢可以叫1. Pasta of the day (S/.29) - 自選粉 2. 自選意粉 (S/.18) - 自選粉、醬汁、兩樣配料 (個別配料要另加錢)無論你叫邊一隻都會送一客麵包同沙律另外可以加S/.6加大個意粉 作為懶蟲嘅我費事煩,就要Pasta of the day 同 一支可樂先送咗麵包同沙律嚟沙律用呢啲兜裝住,食之前仲可以搖下等啲醬汁均勻啲麵包係比較硬身嗰啲,如果蘸carbonara或者蕃茄汁應該會幾好味 個意粉嚟到嗰陣見到醬汁係金黃色後來問一問先知係用咗蝦膏、蝦頭同忌廉淆成不過我就覺得佢傑咗啲,令到個意粉有啲乾 意粉部分個時間掌握得好好,食落係有咬口蝦嘅部分都唔差,咬落去好夠爽脆,而且表皮煎過都幾香脆但我個人就唔欣賞佢嘅配菜 - 苦瓜我自己覺得苦瓜係亞洲嘅食物,用亞洲嘅烹調手法去煮會比較好食佢呢度係單純烚到好淋,擺上碟淋上醬汁個醬汁同苦瓜嘅甘味係完全唔match反而食完個苦瓜,個甘味喧賓奪主但overall黎講我覺得佢嘅質素都幾好如果係咁自選,就可以揀自己鍾意選擇從佢意粉同配料嘅烹調手法就知呢度廚師煮嘢係唔差