秘魯的白城 - Arequipa首先介紹下Arequipa啦Arequipa其實係秘魯人口第二多嘅城市都係一個好受旅客歡迎嘅地方而且圍繞呢個城市有成八十座火山,當中唔少仲係活火山所以都有人慕名而嚟睇下火山喺街度上面好多建築都會用白色作為主色其實係因為好多舊時嘅建築物都用上好多白色火山岩興建而成呢一種嘅style亦都係當時西班牙殖民統治嗰陣流傳落嚟所以Arequipa亦都有一個稱號就係 白色之城 (白城 La Ciudad Blanca) 不過好多人嚟到秘魯目的都係想去Machu Picchu,所以都會忽略咗Arequipa我個人覺得如果你有時間都可以嚟下,當適應下高海拔然後先再上更高嘅Cusco我自己就會形容Arequipa係一個比較文青、休閒嘅地方未必有個種刺激感,但就會令人好舒服一般旅客會逗留喺歷史城區,即係Plaza De Armaz個頭活動不過其實行15至20分鐘就已經可以去到比較多商場、先進少少嘅地方(紅色area就係歷史城區 ; 藍色area就係商場區) 商場區嗰邊不得了好多流行嘅品牌都可以見到,例如Levi’s / Tommy Hilfiger / Ripley / H&M另外都有好多外國連鎖餐廳同埋超級市場,仲有food court抵達Arequipa大概5點幾就到左Arequipa巴士總站然後就搭的士去旅館check in由巴士總站去到Plaza De Armaz 司機開我 S/.14,最後S/. 12成交我之前上網search資料見到有啲人搭成 S/.15-18 食完早餐就開始我呢一日嘅行程先經過一座叫做 Iglesia de San Francisco 嘅教堂,歷史非常久遠 周圍亂咁穿來穿去啲牆身都係白色,當然有啲開始變色啦 聖凱瑟琳修道院 Santa Catalina Convent 講到Arequipa其中一個出名嘅景點,就一定有聖凱瑟琳修道院一席位 聖凱瑟琳修道院興建於1579年當時嘅主人係一位非常有錢嘅寡婦修道院前身並唔係一座教堂,而係有錢修女同佢哋啲僕人所住嘅地方而宜家聖凱瑟琳修道院將絕大部分嘅位置劃咗出嚟比旅客參觀只有少部分嘅修女仲仍然住喺非遊客可以參觀嘅位置以前嘅聖凱瑟琳修道院係入得唔出得入咗嚟嘅修女同剃頭出家嘅和尚一樣,都係與世隔絕聖凱瑟琳修道院個入場費其實真係好貴好貴好貴簡單一個2萬平方米嘅修道院,入場費居然要 S/.40 (接受現金 / 信用卡付款) 我去參加一個one day tour都只係畀多十零蚊......呢度係其實係好多攝影愛好者必到嘅地方每行幾步路,牆身嘅顏色都可能唔一樣一入到去就已經畀一棵桃紅色花嘅樹吸引到大家影相 然後有啲房就係關於主、耶穌、聖母 周圍嘅設計我覺得都好有藝術嘅氣息點擊圖片放大 尤其啲牆身係紅色,又有陽光嘅照射成件事係好奪目可以想像到如果發生喺香港,應該每一日都有一大堆港女去影相 就算係藍色,都令人覺得非常舒服 記得做白城,修道院當然都有白色火山岩嘅牆啦 連賣小食飲品嘅地方都整得咁寫意 嘩 啲水好污糟 行幾步樓梯上去 仲可以見到其中一座火山 係修道院入面仲唔止一條樓梯㗎 咁呢度其實都仲有好多關於天主教嘅嘢 行咗一陣咁我就離開咗呢個修道院喇係Arequipa嘅街道上面好多時都會見到呢啲流動雪糕小販佢有畀過我試味我唔係好記得咩味,但淨係記得好甜 反而好無聊喺麥當勞買杯雪糕 又係好甜,甜過香港嗰d 不過呢度麥當勞嘅早餐相對都比較抵食平時香港麥芝蛋包加嘢飲都要$14呢度有塊肉嘅漢堡包加嘢飲都係大概$16至$17 麥當勞呢條街其實就係 Plaza De Armaz隔離喺呢條街度可以搵到starbucks,而且都比較多鋪頭畀大家望下 Plaza De Armaz 嘅 Basilica Cathedral of Arequipa唔知點解覺得佢好靚當然都有可能係周圍嘅環境舒服而配合所致 而且附近約行人通道都係用一種好似迴廊咁樣嘅形式設計真係特別有貴氣 另外成個 Plaza De Armaz 都散發一種寫意之情每樣野都各司其職 Plaza De Armaz附近比較多旅行社所以我都周圍格下價,報定聽日要去嘅一日團 途中見到有人示威咁我梗係唔知佢哋示啲咩啦 成個Plaza De Armaz畀我嘅感覺真係好寫意而且周圍都係白色,令到個環境好典雅 建築下面嘅行人通道用咗拱形嘅設計真係特別有藝術嘅氣息,完全將Cusco / Puno 比下去