纜車圍城 - La PazLa Paz本身就係一個人口密度極高嘅城市而且個地形就好似一個盆地咁,中間地區係凹落去所以好多房屋都會見到係依山而建一般人會將La Paz概括咗三個部分1. El Alto 2. La Paz 3. Zona Sur 想了解多d各部分介紹,可以Click下面條linkhttps://blog.ulifestyle.com.hk/blogger/kky1216/2019/09/獨遊15日秘魯、玻利維亞29-玻利維亞首都la-paz景點/成個La Paz都係有錢嘅人就住得愈低,窮人就不斷往山上推我自己感覺就好似將越窮嘅人眼不見為淨,推到遠不見天日、叫地不聞同好多發達城市唔同,好似喺香港越有錢嘅人越住山頂位置纜車之都住慣喺先進城市嘅人,例如首爾、東京、香港、 巴黎等地,可能會覺得鐵路真係好方便但對於居住喺玻利維亞首都 La Paz 嘅人黎講地鐵對於佢哋呢一刻嚟講可能連幻想都唔敢幻想La Paz本身就係一個人口密度極高嘅城市因此,玻利維亞政府為咗將山腳同山上面嘅人往來得更順利喺2014年逐漸興建多條纜車路線截至2019年7月,total有十條纜車線已經開通另外有一條亦都會喺2020年開通,不過係新城區嗰邊 http://www.miteleferico.bo/wp-content/uploads/2019/02/TAPA-TELEFERICO.pdf我唔肯定我呢張係咪最新,但都肯定纜車綫係齊曬而且係2019年2月出,我諗2019内應該都適用就算去到2020,都係多左條旅客唔會用到嘅纜車綫不過由於呢啲纜車其實主要都係方便當地人使用紅色、黃色、紫色 纜車線喺來往山腳至山上銀色係純山頂運行深藍色 係通往El Alto白色、綠色 係去有錢人地方淺藍色 係山下行走但真正方便到遊客使用嘅其實真係冇我出發前個Plan係打算去我住嘅旅館隔離嘅淺藍色線站上纜車不過嗰日大概知自己精神應該只係夠撐多一陣,所以即刻刪減個行程紫色線 → 銀色線 → 黃色線 → 白色線 → 白色線 → 淺藍色線紫色線嘅站好容易搵 就係Basílica de San Francisco落少少 有碌野會指示你 個纜車站真係好新,外觀都幾靚 佢有自動售賣機,不過我呢d文盲就緊係去真人售票處喺呢個時候身體語言就好重要用你嘅手指對住個地圖指畀佢睇你要去邊,買多過一條線車票都得 無論去幾遠 同一條線内單程 Bs 3,兩條線以上 Bs 5再多我就唔知啦入閘嗰陣用細嗰張作為車飛,將中間嘅QR code掃下部入閘機 我就買咗紫色線+銀色線 好多人排隊...... 纜車開出個一刻其實都驚驚地,可能我本身對呢個國家都唔夠信任但事實對安全嘅 紫色、紅色、黃色是上落山嘅線,所以睇到嘅風景都會比較好而黑色全程係山頂行,所以都係全程可以俯瞰山下見到最高嗰幾棟大廈就係最低嘅位置 還有其他相對簡陋嘅屋就一路依山而建點擊圖片放大 有時同一條線,中途都需要你落車轉另一架車紫色就係其中一條所以記得張車飛真係完完全全落咗車先有好抛落垃圾桶 轉線個陣基本上一定要出閘再另外入閘大家就要留意呢d指示牌點樣行啦而且無英文,大家真係對住個地圖認住點行啦 其實咁多條纜車線,最令我覺得震撼嘅就係我呢一刻搭緊嘅銀色線 & 之後即將會搭嘅白色線因為呢兩條線都係喺住宅區中間行走,非常貼近民居 咁樣嘅情景係我從來都冇想像過喺香港可以搭纜車,就只有海洋公園同埋去天壇大佛但原來纜車係真係可以成為日常生活中嘅交通工具,而且可以同我哋如此嘅接近 去到總站會有塊落地大玻璃望出去 行出個站外 就算周圍都係啲舊屋,但個纜車站就格外新淨 然後就再買飛,目的地係白色線 黃色線望落去個視野都幾好 個視覺好遼闊 用咁嘅角度去睇就睇到個斜度 有好多屋都仲係鐵皮屋 去到中間位置,啲樓宇已經相對比較穩陣成個感覺會似係一個小區 仲會咁近距離喺足球場上掠過 左手邊嗰啲高樓大廈就已經係部分有錢人住嘅地方講真,咁樣望過去絕對唔會聯想到呢度係玻利維亞 太陽都開始落山 黃色線山腳嘅終點係會接駁淺藍色線同綠色線要搭綠色線就直接過一次閘如果想搭淺藍色或者喺嗰個站落車,就要行樓梯落下面 搭淺藍色線就可以感受纜車喺天橋下面運行嘅感覺 你睇下山腳底嘅樓係咪真係唔同啲呢又高又新淨 搭咗一個站再轉白色線回望返轉頭再畀大家睇下啲樓有幾靚個纜車站起到成個香港大學站咁 白色線同灰色線一樣都係喺樓宇之間行駛但兩者最大分別係灰色線嘅周圍都係一啲比較舊比較殘嘅樓白色線嘅周圍就係一啲雖然望落都唔新但比較得體嘅樓 我搭咗一兩個站就沿線折返因為我搭白色線嘅目的都係感受下喺市區內同民居咁近距離嘅搭纜車體驗唔知係咪時間關係,觀感上呢邊係真係安全啲、冇咁雜 離遠仲會見到雪山 回程嗰陣又望到下新城區美國領事館附近高樓大廈呢啲高級住宅區樓下仲自帶商場,望落就已經覺得高級查一查原來仲有戲院 搭返淺藍色線返旅館一路望住入黑嘅周圍,再回想起今日見到嘅景象就覺得La Paz呢個地方真係好神奇新同舊、高與低、貧與富嘅分別係可以咁大 途中見到呢個超細版嘉年華 我諗平時應該好多小朋友會去玩 話咁快纜車就到總站亦即係代表我要同La Paz纜車講再見 真係比超近更近 喺淺藍色線近舊城區嘅總站有個商場入面有個food court,如果大家諗唔到食咩都不妨可以去嗰度我曾經上網search過都好平