玻利維亞首都 La Paz先跳一跳介紹下La Paz呢個地方咁先前都介紹過佢而家係有名有實嘅首都佢亦都係成個玻利維亞最發達嘅城市La Paz本身就係一個人口密度極高嘅城市而且個地形就好似一個盆地咁,中間地區係凹落去所以好多房屋都會見到係依山而建一般人會將La Paz概括咗三個部分1. El Alto 2. La Paz 3. Zona Sur El Alto本身就係一個城市,黐住La Paz機場都係呢度呢個城市相對比較貧窮,好多窮人、有背景嘅都係住喺呢一區所有形容佢係比較亂、比較雜,一個人就真係少去呢邊爲妙 (旅館職員都有提我)Zona Sur係La Paz新城區嗰邊就相對發達啲,嗰邊安全問題相對低啲,一般住嘅都係比較有錢玻利維亞最出名嘅餐廳Gustu都係呢一邊(Chris都有邀約我一齊去食呢間餐廳,但因為我精神真係一般所以拒絕左)La Paz係遊客比較集中嘅地方喺呢度就真係好明顯可以show到成個盆地出嚟我用紅色圈住嘅地方,就係比較安全、先進、位處比較低嘅部分 (我自己都會將呢部分歸納為新城區)藍色圈住就係依山而建嘅步伐,亦係窮人所住嘅地方Zona Turistica就係旅遊區,亦都係舊城區位置綠色圈住就係屬於比較安全地區所以其實成個La Paz都係有錢嘅人就住得愈低,窮人就不斷往山上推我自己感覺就好似將越窮嘅人眼不見為淨,推到遠不見天日、叫地不聞同好多發達城市唔同,好似喺香港越有錢嘅人越住山頂位置 喺巴士總站坐咗一陣的士落去旅館,Basílica de San Francisco落少少(的士去我酒店個頭收我 Bs 20,當然我最後講價到Bs 15) 本身Plan好上午就留喺市内周圍行,下午去月亮谷但最後都頂唔順去咗瞓覺,然後cancel咗月亮谷起身嗰陣已經係1pm,真係瞓到成隻豬咁梳洗一番就去食嘢我住嘅地方環境相對都方便所以我都好建議大家可以住Basílica de San Francisco落少少位置周圍望落其實都好繁華 (起碼比我心目中靚好多),高樓大廈都有人多、車更多 The Witches' Market去咗The Witches' Market行下 喺呢個The Witches' Market有好多手信可以買都係有啲紡織品爲主 成條街都係咁樣都唔知可以點樣再介紹落去Sightseeing Bus Half Day Tour (La Paz巴士市區半日遊) 黎到La Paz,景點其實冇乜特別都係啲教堂、政府機關建築、月亮谷等所以有啲人會選擇坐呢個巴士半日遊 (Bs 100) 呢個巴士團基本上會係半日内帶你行曬La Paz所有著名景點,而且包曬你所有入場費但缺點就係唔係好多人知,有時未必成團我自己本身都想玩呢個團,不過我當日同第二日嘅朝早都冇開團咁所以我先臨時決定第二日朝頭早去Copacabana點樣報名?有啲酒店/旅館如果有上面嗰張leaflet,就可以直接同職員報名又或者去到Basílica de San Francisco附近嘅旅行社全部都有得報Basílica de San Francisco 聖佛朗西斯科教堂上面提過幾次Basílica de San Francisco呢個名,咁究竟係咩呢?其實佢就係La Paz位處最熱鬧嘅教堂,亦都係La Paz嘅地標 教堂喺1548年興建,並喺80年代重建過算係其中一個La Paz 最靚嘅建築 教堂同入面嘅博物館唔係無時無刻都開放印像中好似淨係星期一至六下午開放而且係要畀入場費㗎,仲要入面唔可以影相喺入面大家有機會可以睇到好多宗教油畫、歷史文物等不過對於對宗教文化冇興趣嘅我都係過門不入啦 除咗喺地面欣賞大家仲可以行上去佢隔離個噏耷商場樓上影 (右手邊個商場) Calle Jaen (彩虹街)喺秘魯有個彩虹山,喺玻利維亞就有條彩虹街呢條街名其實叫Calle Jaen 點解會叫做彩虹街?其實係因為嗰條街嘅建築牆身五顏六色 大家睇完啲相係咪覺得好流呢其實我係咁覺得..... 市區漫遊之後嘅時間我都喺市區慢慢行下一路行上去就係巴士總站從Basílica de San Francisco行上去大概十分鐘就到 咁多人聚集,唔知嗰度有咩睇呢我就無行埋去,始終人多手腳雜 一路係咁行,其實都見到好多建築物牆身都係唔同顏色同之後喺秘魯Arequipa完全唔同呢度就真係好有南美風格點擊圖片放大 其實如果有一條燒咗,真係成區啲電都唔使用 喺市中心條大路真係好多人,密嘅程度真係同旺角有得揮 條街好多呢啲小販檔,可以幫大家充值電話卡但當然佢哋一定唔識英文啦 喺呢條大街上仲有戲院㖭連當時好熱門嘅復仇者聯盟4都有