日落星空團夠鐘返到旅行社門口,已經見到我哋嘅團友我一眼就望出有三個喺香港人,係一齊黎不過我就冇同佢哋打招呼住,或者始終我都唔係咁外向嘅人另外同車仲有一對夫婦:男嘅係澳門人,女嘅係台灣人,兩個都可以講廣東話即係話全車得Chris一個係非同聲同氣Haha第一站當然都要攞水鞋啦之後就會搵一個空地畀我哋換咗對鞋先,因為之後一去就已經係有水嘅地方換鞋嘅地方仲有個阿婆喺度買漢堡包 今日嘅天氣萬里晴空,一啲雲都冇咁樣唔係好事,因為個倒影有白雲先好睇更可怕嘅係今日仲大風你哋望下個水面波浪不絕,我個心情都好似啲水波咁起伏不定 真係想喊出嚟,今日嘅天氣仲差過琴日我睇個情況應該今日係唔可能睇到一塊鏡,Even係一塊朦朧嘅鏡 咁冇辦法啦又未日落就唯有自娛一番,畀大家睇下我對腳有幾長 個鹹蛋黃終於都慢慢落嚟啦但怕凍嘅我坐喺架車入面睇就算 落車望下相反嘅方向,天空嘅顏色依舊好迷人,有一種迷幻嘅感覺 當太陽完全落下, 鬱沉嘅藍色開始籠罩大地 天黑啦司機叫返我哋上曬車,帶我哋去返冇水嘅位置觀星我對相機嘅認識唔多,之前亦都從來未影過星星所以都花咗好長時間去set部相機影咗幾幅都硬係爭啲 但突然悲劇發生,相機突然自己熄咗我懷疑係凍得滯,仲要大家本身係諗住靠我部相機影.......真係好好彩,有個港男部電話係華為華為有功能可以影到星空,再加埋司機大佬高超嘅攝影技術真係補救得好好司機大佬不斷幫我地影相佢仲幫我地構思埋點樣影點擊圖片放大 +2 唔少得梗係要有我哋幾個人嘅大合照啦 呢個時候我部相機突然開得返,影咗一幅唔知點解變咗黑白但冇時間再搞,唯有用住人哋個華為手機先 佢仲叫我哋企上架吉普車影相畏高嘅我嚇到腳軟點擊圖片放大 司機仲幫我哋每個人拍咗一張落咗Effect嘅