抵達Uyuni火車都尚算準時去到Uyuni 火車站一行出去第一條街就已經係旅行社街當中有深受亞洲人歡迎嘅 Hodaka, Oasis, Brisa9:30pm就得返Brisa同其他個別旅行社開門 我有行過入去Brisa問下一日團幾多錢佢當時開我價 150 Bs 但我點都係諗住第日起身早少少嚟格下價先慢慢行返去旅館 夜晚周圍都有好多狗,老實講我都幾驚今晚住嘅旅館叫做 CHOSTEL B&B,百五蚊港紙都唔使 都幾大間房,而且有暖爐,呢樣真係好重要因為呢邊入冬之後,早晚係超級凍我沖完涼就算著住衫行出嚟都打冷震 廁所方面,我唔可以叫佢做熱水涼,但佢起碼叫做暖水我諗呢個都係普遍Uyuni旅館會出現嘅問題越貴嘅當然會越好啦早餐都叫正正常常啦有麵包、炒蛋、水果 報團7點起身,梳洗好7點半就即刻去旅行社 旅行社一般7點半已經開門我第一個目標就係Hodaka 佢有幾款團可以選擇 其實我本身心水係參加一日團、 日出團同星空團但因為日出團得好少人,所以老闆娘唔建議我報老闆娘話呢排滿月,對睇星空有影響所以我就報咗一日團+日落(22/5) ,同埋日落+星空(23/5)兩個團Total收左我 310 Bs其實起初收我340 Bs然後我都係狂講價先肯discount比我當然如果你越多人或者報越多團,個bargaining power就越大啦就咁睇個價錢,隔離Brisa平少少但因為我同呢個女職員(肥婆)真係幾好吹水,同埋Hodaka喺網上面比較多中文嘅評價加上我當初喺馬丘比丘上同個美籍日裔新朋友Chris約定左呢間 (係咪好傻呢)所以我最後揀咗佢其實我都有周圍格下價1 Day Tour + Sunset : 150 - 200 BsStarlight + sunrise/sunset : 120 - 150 Bs大概係呢啲價位當然價錢會隨著你嘅講價功力而有所改變Uyuni上晝想食早餐可以去呢啲帳篷下面啲攤檔我見有湯、飯、麵包