往Uyuni出發起完身,第一件事係走過去隔離La Paz巴士總站唱錢就喺大門口一入去嘅右手邊 返到酒店畀完錢,順便食埋個早餐好簡單,有任食嘅麵包,同任食嘅煎蛋有煎蛋已經好開心 快快手即刻上去執完嘢又繼續行程今日一早8:30am要去嘅城市叫做Oruro,係玻利維亞裏面嘅一個一二線城市咁點解要去呢?其實我係去搭火車呀係La Paz去Uyuni其實有三個方法普遍較為人熟悉嘅有搭飛機直航,同埋搭過夜巴士La Paz去Uyuni可以搭巴士Tran Titicaca,出發時間係10:00pm,印象中好似Bs.120但其實仲有另一個方法,就係去Oruro搭火車按我行程嚟睇,無論飛機直航定過夜巴士都係比較合適但我想體驗下多啲唔同交通工具喺唔同國家嘅感覺,所以就選擇咗搭火車點樣買火車飛等我去到搭火車嗰篇先講啦咁首先就要去咗Oruro喺La Paz巴士總站去Oruro嘅巴士班次非常多幾乎一個鐘一班,而且有兩間公司運行,兩者都係20 Bs 如果你哋都會去Oruro買飛揀位嗰陣記得坐右邊,冇咁曬 買完就可以上車上咗車記得準備2.5Bs因為臨出發前會有職員上車要大家畀稅 其實個稅可以喺巴士總站嘅counter買不過既然有專人上車,我就無謂行兩步啦作為纜車之城可以好容易就見到有纜車喺你頭頂出現我遲啲返嚟La Paz當然都唔會錯過,一定會去坐下啦 大概四個鐘頭就會到Oruro巴士總站 先入去巴士總站參觀下周圍環境都幾乾淨又好新淨巴士線都唔少,例如智利Iquique、Calama都有 Oruro巴士總站並唔喺市中心入面由巴士總站行去火車站大概九個字不過我拎住大型行李都係搭的士啦10 Bs, 10分鐘就到火車站沿途叫做望過下Oruro周圍街景感覺上再簡樸啲 時間早咗啲,所以我就坐喺火車站度等一等office開門一般office會喺火車開出前大概兩個鐘就開門 我呢一日會搭2:30pm火車前往Uyuni前往Uyuni火車有兩款Wara Wara del Sur : Wed & Sun 19:00 - 03:00Expreso del Sur : Tue & Fri 14:30 - 21:30每款車又會有兩種級數座位選擇Saloon Train (Bs 60) , Executive Train (Bs 120)兩者價錢相差一倍 但我用肉眼望過其實真係分別不大後者多咗個叉電位我就覺得買前者好似抵啲我出發前其實已經買咗飛就係https://www.ticketsbolivia.com/買呢個網可以買巴士同埋火車飛不過留意要收手續費㗎而且巴士飛好多時都比起喺當地買少少,所以我建議巴士就直接到當地去巴士總站買就ok而喺網上面買火車飛就收咗我USD2.4作爲手續費上網買完print張單出嚟係需要來到office換返張實體飛,到時就會畀埋你知係坐咩位仲可以預先寄存定行李,到時會有職員幫你運上火車 有成兩個鐘時間,咁我就唯有周圍行下啦喺火車站附近有個市集都幾大,我就去呢個低級版嘅女人街打咗個白鴿不過人多,大家就要小心自己嘅財物 又見到有Salteña今次就真係喺玻利維亞食佢呢個小食啦 (4 Bs) 我完全唔知原來玻利維亞都咁鍾意足球係咪受到附近巴西、阿根廷影響呢 喺市集行入啲會有少少Local餐廳又或者啲小食攤檔 E.g. 漢堡包店 對面街都會有啲賣果汁舖頭不過望落個衛生情況又好似爭咗啲 玻利維亞火車初體驗行下行下就夠鐘要返去火車站喇 頭先第一眼見到架火車都唔係溶溶爛爛啦應該都安全,唔會無啦啦出軌掛 行到上車,啲座位望上去都好企理啊仲可以自行180度轉,又有電視睇唔錯唔錯 啱啱開出頭五分鐘係喺市區裏面行駛 過多一陣就會離開市鎮 途中會經過Lago Uru Uru烏魯烏魯湖總會見到一大群唔知咩雀仔(我眼力差)喺湖面上面 其實我揀火車除咗因為想體驗下火車之外我本身真係唔鍾意搭巴士,就算喺香港永遠都係地鐵優先其次係坐呢架火車可以順便望下周圍嘅環境我覺得都係一個唔錯嘅體驗但如果畀我揀多次,我可能會捱下過夜巴士,換返一日free time 火車上有餐卡坐喺度食住嘢,望下環境都唔錯 而且價錢其實都算好合理一碟飯/麵 都係40-50Bs我唔記得咗自己叫嘅嗰碟餸叫咩名但入面有牛扒、薯條、番茄、蔬菜、煎蛋 食物嘅質素普通啦但有得一路望住風景,一路食下嘢我當自己坐緊東方快車㗎啦 一路嘆住杯可樂,一路望住日落幾寫意啊~點擊圖片放大 望下部電視播緊乜,居然係播緊成龍嘅電影《英倫對決》我對成龍嘅生活作風雖然一直都不敢苟同但確實佢對電影業貢獻都唔少,算係一個值得尊重嘅電影演員呢套電影佢喺情感處理上都表現得比佢以往嘅作品優秀