踏足玻利維亞秘魯城市 Puno 前往 玻利維亞首都 La Paz如果大家係上午直接搭巴士去La Paz大家可以選擇 Peru Tour (S/.35) 或者 Tran Titicaca (S/.35)兩間公司7:00am都有班次直達La Paz如果去Copacabana就更多巴士公司選擇 但如果係其他時間就得返 Tran titicaca06:00 ; 07:30 ; 13:30而且呢幾個班次都係先要去Copacabana,再轉另一架車去La Paz兩程車錢加埋係S/. 40如果大家好似我咁唔會住宿呢度,但日頭又有活動可以喺自己間巴士公司寄存行李,一般都冇問題大家喺上車之前記得要喺車站中間位置個counter比稅先 (S/.1.5)你未畀係唔會畀你上車 真正臨上車之前,巴士公司會派發兩張單畀我哋海關申報單(左)同入境單(右) 入境單唔同嘅巴士公司個顏色可能會有唔同填就唔難填,佢有曬英文對譯而海關申報單,車上面嘅職員會幫你收起座位就真係普通啦Tran Titicaca一層車座位一向普通,反而兩層車座位就舒服好多 大概兩個鐘左右就會到邊境口岸 Kasani所有來往Copacabana同Puno嘅巴士都係經呢一個口岸過境嘅程序其實都好簡單 巴士去到秘魯出入境office會要所有人落車,慫恿大家係隔離找換店唱錢如果身上冇玻利維亞幣嘅人係應該要唱少少,因為係呢段巴士旅程係需要用上好多人都話呢度嘅找換店匯率好低我當時唱係1 Sol : 2.05 Bs,第二日喺La Paz巴士總站係1 Sol : 2.07 Bs 秘魯嘅出入境office喺左手邊 行入去排隊,遞passportDone 然後大家就用自己嘅腳步,一步一步走出秘魯境地 臨走前影幅相,i will be back 過咗呢度拱門就代表你正式進入玻利維亞嘅國土 行前少少就係玻利維亞出入境Office準備好你嘅入境單 搞好所有嘢之後,記得將入境單嘅下半節keep好,當你出境嗰陣要用出境嘅程序其實都係一樣,只係將成個過程調轉就得Yeah!我正式踏入玻利維亞啦 肚餓攞兩包餅出嚟食因為高海拔氣壓高,啲餅都脹卜卜 過咗關之後好快就到Copacabana 落車嗰陣如果你係去La Paz職員會指示你去另一架車 喺度發生咗件好驚險嘅事小弟上到第二架車等咗一陣就快開車嗰陣發覺唔見咗電話,我嚇到三魂唔見七魄我同個職員講我要落車去上一架車搵返我部電話個職員笑笑口喺佢衫袋拎咗我部電話出嚟畀返我我當時開心到畀咗個擁抱佢,令我對玻利維亞人有第一個好感再行多一個鐘左右架車會突然間停咗,然後要所有人落車如果我冇事前了解成個巴士路線我應該會嚇死喺停低呢個位置係需要利用當地嘅小艇過河,然後喺對面岸再上返車 大型行李可以照擺喺架車度個人就跟大隊咁樣行去搭小艇嗰度(抱歉 兩張圖都手震左) 喺上面幅圖嗰個位要另外買飛搭小艇過河 (2 bs)所以由秘魯入境玻利維亞嗰陣身上面一定要有啲玻利維亞幣 然後就去排隊搭小艇成個feel好似去偷渡咁 而家巴士會點樣過河?望下幅圖你就會知 正常情況下人係會快過架車到對面岸所以去到對面岸千祈唔好亂咁走,求其認住幾個同車嘅人 而且對面岸會有好多小販賣嘢食價錢都係小販價,買多啲上車食都唔怕 上返車之後再坐兩個鐘左右就已經會到La Paz呢個就係巴士總站 要搭的士去酒店嘅就行出個大門口如果想買電話卡就向總站嘅裏面行 由於第二日朝早我已經會搭巴士離開La Paz所以呢一晚嘅住宿都係住巴士總站附近嘅酒店Hostal Bellavista Inn 呢間酒店係去到先畀錢,大概175 Bs一晚,包早餐reception好好人, 我身上冇咁多玻利維亞幣,肯畀我聽日check out先畀錢間房就正正常常啦,算幾大,廁所都好乾淨床鋪唔算太乾淨,有啲頭髮喺上面,平旅館係咁啦 初到貴境,而且時間咁夜,唔敢周圍行喺酒店房食下杯麵都一樣咁開心啫