Puno由Cusco去Puno車程大概6個幾鐘清晨嘅Puno巴士總站人流都唔少我順便買埋晏晝1:30pm去La Paz嘅巴士飛 係呢個巴士總站可以買直通巴士去好多唔同地方Cusco、Arequipa、La Paz、Lima、Tacna etc.我會喺Puno留半日清晨6:30-8:30會參加一個Uros Floating Island tour9點至中午呢段期間都係Puno周圍行下基本上喺秘魯每一個城市嘅Plaza De Armas都有教堂 今日唔知做乜有班小朋友同老師喺度巡遊而且仲奏曬樂器,好似好隆重咁 我喺Puno其實係冇目的咁樣行好多人都話Puno都開始有少少危險,小偷比較多但我感覺日頭應該都ok我生得又唔高大、一望就知亞洲人樣,都尚算安全 行到Pino Park覺得好肚餓,完全唔記得咗自己係未食早餐見到有啲小販喺度賣Salteña (S/.1),我即刻買返一個食呢個相對乾身啲,汁無咁多 對面有座教堂,叫Iglesia de San Juan Bautista其中一個Puno著名嘅景點不過我本身對宗教文化冇乜太大興趣,所以就唔入去啦反而做阿伯坐下公園,反正五十年之後嘅我可能都係日日落公園坐 來往Plaza De Armas同Pino Park中間嗰段路都相對比較繁華有幾間銀行,餐廳都唔少 而喺Pino Park行落少少會有間好大型超市我自己喺入面都行咗陣解悶再一直向碼頭嗰邊行,感覺上嗰邊人多啲車多啲,同埋亂啲比較少啲現代化建築所以大家喺呢一邊我覺得可以稍為小心啲 小朋友都居然行到嚟呢度究竟係啲咩天大喜事要繞場一周通知全世界 La Hosteria (午餐)行返去Plaza De Armas附近搵一間餐廳食個Brunch呢間啲嘢食價錢唔係平,而且食西野為主 我就叫咗個肉醬意粉,同埋一支肥仔水盛爲S/.29 味道其實真係普通,冇乜蕃茄味,醬汁又比較稀麵包ok,暖暖地蘸啲醬食喺秘魯飲第二次芬達,唔知係咪我錯覺,覺得顏色係鮮艷啲食完嘢慢慢行返去巴士總站大概15分鐘步行時間如果大家唔想行,可以搭的士或者篤篤,大概S/. 5-6