秘魯跨城巴士推介 Cruz Del Sur呢一晚10點鐘就要搭車去另一個城市Puno所以我9:15pm就由酒店搭的士去車站我揀嘅巴士公司係相對比較多遊客選擇嘅 Cruz Del Sur呢間巴士公司出名嘅地方係品質穩定、而且服務人員都識少少英文加上可以喺官網預先買定飛所以都真係好多遊客選擇以我喺秘魯境內所有嘅長途巴士都係利用Cruz Del SurCruz Del Sur個價錢其實真係唔平㗎佢正價嗰陣分分鐘係好多其他巴士公司嘅一倍價錢不過有樣嘢叫做Discount只要大家喺有特價飛嗰陣買,就絕對唔貴啦Cusco去Puno,我就用左S/.19點樣先買到特價飛??大家記住特價飛要喺西班牙文版面先有得買然後你再自己google translate成個網站就ok,千祈唔好揀官方英文版面https://www.cruzdelsur.com.pe/點擊圖片放大 當揀好位同輸入曬所有資料之後就畀錢(Visa/Mastercard)完成曬所有程序,佢會email張電子車票畀你,記得要print出嚟,拎去搭車我唔知用電話show得唔得,我搭過4次都未見過有人冇hard copyCusco嘅Cruz Del Sur巴士站係中央車站隔離大家搭的士去,的士司機講”Cruz Del Sur Bus”就ok,大概S/.8-10 喺出發前半個鐘佢會開始幫大家check in大家要去寄存行李先,職員會將行李搬上架車 然後就做個好簡單嘅安檢就上得車 我覺得位置都尚算寬敞,而且都可以向後挨大概130度另外都有枕頭同大毛氈 仲要每人有一部電視雖然冇乜節目好睇 我相信每個人都唔想隔離坐住個陌生人,想隔離係個吉位當開始開車,如果大家見到有啲連位都冇人坐你哋可以自己調過去,完全無問題Peru/Bolivia Hop佢係另一間巴士公司,亦都可以當佢係一間旅行社https://www.boliviahop.com/ 佢提供咗好多唔同路線組合比旅客選擇旅客可以跟自己嘅行程選擇唔同嘅組合,每個組合都會停指定嘅站另外,Peru/Bolivia Hop喺每個站都同當地嘅旅行社有合作所以大家可以喺預訂巴士組合嘅時候,順便報埋團(仲有好多組合架) Peru/Bolivia Hop會停留指定站一段時間,嗰啲團就係呢啲停留時間出發喺巴士離開站之前個團就會完成,並送到你返架車上面我舉個例子佢呢個組合係 Cusco - Puno - Copacabana - La Paz中間停嘅站係Puno / Copacabana,所以呢兩個站會有所屬嘅團畀你自費參加e.g. 6am到Puno就會有個630-830 蘆葦島團;13:30 - 18:00係Copacabana就有太陽島團 佢個好處就係你畀錢,交通就幫你安排好曬中間停留嘅時間都特登預留畀你參觀當地另外去到終點,仲會送到你去酒店門口完完全全可以做到一條龍服務,價錢其實都好合理而且佢唔要求你一次過搭曬全段巴士例如Cusco - Puno - Copacabana - La Paz呢條線連埋啲Local Tour 24小時就搞得掂但你可以選擇係Puno / Copacabana自己stay,然後第日再搭返Peru/Bolivia Hop繼續旅程都無問題不過就梗係訂嗰陣要註明埋啦但缺點就係,組合價點都係比起自己買為貴呢個組合Cusco - Puno - Copacabana - La Paz 係Peru/Bolivia Hop賣係 USD59但我自己買當地巴士公司、自己搭車,Total係 Sol 60價錢上爭咗一倍,當然個差距就唔過份嘅如果對旅程、自己編排嘅嘢冇信心,Peru/Bolivia Hop絕對係你嘅不二之選而且車上面絕大部分都係旅客,相對就安全啲