Cafe Bar Pucara返到Cusco都成6點半鐘作為豬一般的我梗係要開餐啦咁我就揀咗一間日本人開嘅餐廳Cafe Bar Pucara 雖然係日本人開嘅餐廳但入面賣嘅係日本菜、秘魯菜都有咖哩飯、烏冬、意粉應有盡有 而且環境都幾舒服,又夠寬敞當然呢啲都反映咗喺價位上面啦 太晏先食午餐啦,所以我就唔叫主食啦首先我叫左個湯 Sopa A La Minuta (S/.16)個湯入面有啲麵、牛肉粒同埋蔬菜,濕濕地相對易入口啲仲要奉送一個熱辣辣嘅麵包......真係好多 個湯好好飲,飲得出係用蔬菜淆成,超清甜雖然落咗牛肉,但都完全唔油膩入面啲菜仲係非常嫩,不過就有小朋友嘅公敵 - 紅蘿蔔粒同青豆個麵係非常幼身,有啲類似天使麵,同個湯好match 好耐冇食過甜品即刻叫返個custard pudding (S/.8)個布甸比較挺身、實淨,唔似日本嗰啲好似肚腩咁fing下fing下焦糖味都夠重但整體嚟講就普通,叫做解下思甜之苦 仲嗌咗樽肥仔水 Inca Cola (S/.6) 食完飯仲有少少時間靜其實冇嘢做,都係周圍行下點擊圖片放大