勇闖彩虹山Rainbow Mountain!呢一日相對比較忙首先要好早出發去rainbow mountain夜晚返到嚟食完個飯夜晚十點就要搭過夜巴士去PunoRainbow Mountain 彩虹山旅行社同我講大概4:30am會去到酒店接我所以我4:00am點就起咗身,先淥個杯麵打定個底先 點知最後嗰導遊5:30am先到......搞到我心急如焚等咗成個鐘先講一講今日呢個一日團嘅行程係點團費:S/.55包:來回交通、所有入場門票、早餐及午餐唔包:騎馬來回山頂 5:30am 集合8:00am 早餐9:45am 抵達步行/騎馬起點1:00pm 離開Rainbow Mountain3:00pm 午餐6:00pm 返回Cusco唔同嘅團食早餐午餐嘅地點可能唔一樣要上到彩虹山山頂亦都會有兩條唔同嘅路,視乎旅行團安排邊一條注意事項:Rainbow Mountain位處海拔非常之高,某啲團食早餐嘅地方已經海拔超過4千米一開始嘅步行點係大概4,500米,去到最頂打卡位已經接近5,200米(珠穆朗瑪峰位於尼泊爾嘅南側基地營係5,364米)如此高嘅海拔大家係一定要做足萬全措施一定要食藥,始終有備無患當你一覺得唔舒服就唔好繼續上,慢慢開始落返去直至你覺得舒服咗,再決定試唔試上去步速千祈唔可以快今日呢一團好開心有4個美國女人而且一見到我係亞洲人面孔,即刻同我打招呼問我邊度黎可能聽見我係香港人,所以全程都好放心用全速嘅英文同我講嘢......叫做勉強應付到啦我哋呢個團食早餐嘅地方係Cusipata佢海拔相對低啲,得3,310米 唔同團嘅早餐都可能有唔同,當然好多時同價錢係成正比啦我呢一個團價錢唔算貴,所以早餐都比較簡單:煎蛋、麵包、果醬、 熱飲 呢度麵包望落同我哋平時香港食開嗰啲爭好遠而且感覺上好似唔係幾吸引但食落其實都幾好,外皮脆脆地冇戴帽嗰個美國姑娘真係好nice,佢真係幫咗我好多再之後話畀大家知佢點樣幫我 食完早餐就正式出發,搭多接近1個鐘左右車途中見到好多草泥馬真係好可愛 轉眼間就到咗一個停車場,呢一度就係我個團嘅起步點啦而且眼前仲有座山,有啲位係畀雪覆蓋,好靚呀!!!! 喺位於海拔4千幾米我事前有食藥,所以暫時身體狀況都非常良好之後就跟住大隊慢慢行上去有啲人就去搵馬騎,一部分就自己行上去 我好明顯就係懦夫,唔夠膽行上去所以都即刻走去搵匹馬 導遊好好心會幫我哋逐個逐個搵馬同收錢:單程S/.60,來回S/.80騎著馬相對就比較難影相,而且落山嘅難度相對輕鬆好多所以我就決定上山騎馬,落山行路個心裏面一讚完導遊好人,轉個頭就見到導遊淨係畀咗張S/.50比馬伕不過是但啦,佢哋啲交易都唔關我事Lady first,我就比較遲先出發一開始講好nice嗰個藍色衫美國姑娘大概早我3分鐘出發騎上隻馬未出發影咗幅相因為知騎緊馬好難影相,而且係冇安全措施都唔敢單手捉住扶手 馬路同行人路係分開馬行嘅路比較危險,貼近山坡;行人路就安全好多所以騎馬嘅人一定要小心,碌咗落去真係死得沿途環境其實都幾靚,而且我個心情都好期待尤其喺網上面已經見過好多P到好離譜嘅圖,心裏面認定佢一定好靚馬伕個心同我一樣都好熱切期待不過佢更期待嘅係快啲送到我上去,然後即刻落山再接另一組人所以佢拉得隻馬超級快其他馬係斯斯然好似行catwalk咁,但我隻馬就不斷爬人地頭,仲爬埋藍色衫美國姑娘頭有幾小段隻馬快到佢條頸喺馬伕前面 我驚到係咁嗌slow,因為個位置真係好貼近山坡我出門嗰陣仲應承自己今個旅程要冇穿冇爛咁返到屋企,費事媽媽擔心但冇辦法,悲劇就此誕生 隻馬行咗唔夠一半結果佢擺脫咗馬伕嘅控制,失控咁跑咗落山坡.......而坐喺馬上面嘅我喺隻馬衝落山坡嗰陣比佢fing咗出嚟,然後側滾一路碌落去好在隻馬無踩到我而且我平時有做開運動,反應比較強,碌咗少少識得開始整停自己當時全場人係驚呼咁啱我個導遊喺附近即刻自己跣落嚟睇我點樣 導遊超擔心,係咁問我有冇頭痛、頭暈、個頭有冇撞親另外有兩個英國女士都跣落嚟,表明自己正職係護士都一樣問我有冇頭痛、撞親,仲幫我檢查個頭有冇整親我覺得自己當時真係好好彩,冇受到好嚴重嘅傷淨係翻滾嘅途中擦損身體右邊腰間、右前臂、右胸、手指擦損都有一定嘅面積,但就無流血另外稍微撞親少少右膊, 但感覺上應該都唔係太大問題但我當時真係好驚我冇諗過眼見咁安全嘅活動,我居然會中招而且仲要係喺咁高海拔,又喺個山坡個度發生我攤咗喺個山坡,弓起隻腳我成個人係好清醒,清醒到我完全感覺到我對腳係不斷喺度震對腳震咗好耐都唔停,喺對腳冇受傷嘅情況下,我幾分鐘都企唔到起身我終於知道乜嘢叫做嚇到腳軟兩個素未謀面嘅英國姑娘見到我對腳狂震係咁叫我relax,然後同我傾偈 嘗試令我分心最後個人放鬆咗,對腳開始唔震同兩位英國姑娘致謝完就檢查下自己啲財物,好在相機都無事另外條棉褲都冇穿冇爛,係件長袖衫喺翻滾嘅過程中擦爛咗,穿咗個窿 都畀大家望下我碌咗幾多,嗰兩個人落少少就係條馬路而且我呢一段路都係以草皮為主,有某啲斜坡鋪滿沙石 呢個對於我嚟講真係一個好難忘嘅經歷我真係有血有淚咁樣行呢一個彩虹山導遊問我繼唔繼續上山,行上去定搵過另一匹馬我冇猶豫好耐,因為我知今次黎南美嘅機會係好難得下次再嚟都唔知係幾時,仲唔知會唔會有機會嚟彩虹山所以我好肯定同導遊講麻煩幫我安排另一匹馬宜家諗返起都覺得自己真係膽生毛第二次隻馬就相對安穩好多,好安全將我送到去山頂下面嘅終點所有騎馬嘅人去到呢一個位都要落馬自己行上去 擰轉頭望一望個環境真係好靚、好舒服 我本身諗住去到呢度先開始幫自己消毒、黐膠布喺準備開始搵膠布嗰陣,我話好nice嘅美國姑娘同佢嘅朋友s居然一早幫我準備好消毒藥水同好多膠布佢哋一見到我即刻行埋嚟幫我有啲腰部位置比較難處理,佢哋仲好主動話幫我處理我喺呢度要再次多謝佢哋,雖然佢哋冇機會睇到當然我有親身同佢哋多謝啦 望下座山,啲砂礫岩真係有唔同顏色如果大家想望下無調過色嘅圖利申定,跟住落嚟嘅圖都p過下少少,但絕對唔會誇張,同真實嘅相差唔會好遠然後一路慢慢行上去 見到大家都排住隊上去最頂嗰個位置打卡 導遊出發前有同我哋講落山大概都要45mins-1hr而我因為墮馬而耽誤咗好多時間所以我大概都估計到未必可以上到最頂影相咁都冇辦法啦,一路排一路影 回望返啱啱上嚟嗰條路個環境係幾咁自然,真係好似一幅畫咁山勢好明顯,而且有啲位又好玲瓏浮凸 喺山上面周圍都可以見到草泥馬,當然當地居民係會用佢哋嚟賺錢你哋如果要同草泥馬影相就要畀錢 遠處會有一達紅色,嗰度叫做Red Valley有啲時間長啲嘅團會去埋,但我呢個就唔去喇 彩虹山Rainbow Mountain固然係因為佢由唔同顏色嘅砂礫岩組成而命名但佢之所以五顏六色,係因為佢擁有典型嘅丹霞地貌地質受到水嘅長時間侵蝕,令到唔同層嘅砂岩擁有自己獨特嘅顏色一層疊一層咁就變成好似彩虹 真係唔夠時間,所以我都放棄登頂喺都唔低嘅位置周圍影下相彩虹山係真係有彩虹架,絕對係吸睛之處顔色層次分明、淡濃交替點擊圖片放大 +2 有好多人會問呢度究竟值唔值得抽全日時間黎我會咁樣答:好似我咁鍾意睇自然景色,真係唔可以錯過呢個真係一個超自然絕色美景,少數令我動容、激動嘅景點如果旅行目的係了解多啲歷史,咁秘魯仲有好多地方等緊你去,時間緊拙就唔需要嚟呢度另外天氣一般嗰陣都唔使嚟啦,尤其大霧、前一兩日落過雨周圍真係好多人基本上唔會有機會影到冇人嘅景象 時間已經係中午十二點我真係要化身灰姑娘快啲落山 落山相對真係易好多,成個感覺就好似行普通山一樣但對於喺香港都唔行山嘅我,體力上其實都仲係有少少嘅挑戰所以大家最緊要量力而為,要了解自己個能力適唔適合、足唔足夠上落山如果自問唔足夠、唔適合,其實騎馬都真係一個唔錯嘅選擇點擊圖片放大 +2 一路行用眼睛同埋相機攝錄低周圍嘅一切唔同嘅山頭都有唔同嘅顏色 回過頭去望一望彩虹山,再同佢講一聲拜拜 然後就一路沿路行返落去停車場中午嗰餐係一個小型buffet,其實都冇咩食有啲蕃茄煮雞肉(墊薯條)、沙律、 白飯、冇味意粉、墨西哥脆片等然後每人仲有一碗又係望落有色但飲落冇味嘅湯點擊圖片放大 食飽飽之後又搭返車去Cusco解散沿途見到啲小村莊都真係非常貧窮,同中國的三、四線城市嘅鄉下無分別