熱水鎮 Aguas Calientes返到熱水鎮作為豬一般嘅我當然要醫肚先啦(我早餐都未食...)咁我呢一日中午就去咗熱水鎮中央市場食好野去中央市場食嘢除咗平,更重要就係食到當地嘅食物唔使捱熱水鎮嗰啲專為遊客而設嘅餐廳中央市場其實就係熱水鎮馬丘比丘巴士站樓上 直接行上二樓就會見到十幾間舖頭當中有啲係食飯,有啲係飲嘢 求其揀咗一間,叫左份Trucha Frita S/.8 Trucha Frita其實係炸魚(飯),秘魯街頭好常見根據google translate,佢應該係炸鱒魚但我真係唔肯定係咪度度都用鱒魚不過至少我呢一個係 個飯上面鋪上一塊炸過嘅魚,然後有幾條薯條...魚肉非常嫩滑,喺炸之前係有調過味,所以非常好食而且炸得好香脆作爲S/.8,真係人間美食大家嚟秘魯可以試下啊! 食完飯我就周圍行下呢條溪都算係熱水鎮比較吸睛嘅地方點擊圖片放大 慢慢一路行上去就會有個地方畀你付費浸溫泉 但作為亞洲人,平時已經可以輕鬆去台灣、日本浸溫泉所以呢一度個溫泉根本吸引唔到我,而且望到幅相都完全冇感覺另外喺火車站附近有一個市集講真都係做遊客生意啫 望住架火車喺你面前經過都幾過癮 之後真係冇嘢做我11:45am落到熱水鎮食完個飯,行埋去溫泉入口 都仲係1:00pm我最後迫於無奈 買支汽水坐喺張櫈度不斷等時間嘅流失 我本身班火車係買咗四點但我真係忍無可忍,走咗去office問可唔可以改早一班,點知又得喎結果就好好彩改到去兩點幾走人所以我可以話畀大家熱水鎮真係完全冇嘢做,超級無敵悶嘅一個小鎮由於臨時改嘅班次,我個位自然就無咁靚仲要係倒頭車 返回Cusco返到Ollantaytambo,第一時間就係搵車返去Cusco如果你哋喺Inca Rail買埋巴士飛返去Cusco,會有工作人員指示大家點樣行 好似我呢啲自己搭車就要行返上去Office附近揾下細Van返Cusco S/.10,大概搭1.5Hr 搭車嗰陣影左少少相,之後就已經去咗搵周公 返到Cusco我第一樣想食嘅嘢就係第一日第一餐已經食嘅嘢Chicken Soup 鷄肉湯麵 唔知大家記唔記得我第一日嚟到Cusco咪唔舒服嘅話畀大家知,我當時食呢碗麵其實係完全食唔到味,所有嘅感受都係憑第二次食麵而分享Cusco中央市場比較早就閂門,大概6/7點好多鋪頭都已經打烊 我係間舖最後一個客人老闆娘好好人免費幫我加麵加湯,而且仲送多我一隻雞髀令我對當地人又再一次加分對住我呢個溝通唔到嘅人都肯對我好 中央市場每逢到咗下午、黃金時間都好熱鬧除咗有好多攤檔,更加會有人喺附近表演 影相嘅moment已經係夜晚大概8點你可以見到條街仍然好多人,旅客都唔少,相對地真係都比較安全 街頭會有好多燒烤店,聞到陣味都想食而且尤其以烤牛心小販車居多 可能係因為呢度海拔高個月亮感覺上我好接近,好似可以唾手可得 之後佢啲小型超市買咗啲水同埋雪碧果然,雪碧啲汽都係多啲 溫馨提示另外有時d鋪頭賣野飲,擺雪櫃同冇擺雪櫃個價錢可能會有唔同返到酒店就輪到宵夜時間喺中央市場買咗兩個麒麟果我其實一望就知係厄瓜多爾嘅品種 (即係渣d)我諗住既然喺附近應該都唔貴嘅,會好似香港買大陸蘋果咁平點知原來兩個都要S/.10 第二日要4:00am起身所以呢一晚要早啲瞓