聖谷團Sacred Valley I聖谷一日團 → 熱水鎮先講下呢一日嘅行程今日日頭我會參加琴日報咗嘅聖谷一日團 Sacred Valley Tour然後晏晝4點幾就喺Ollantaytambo搭火車前往馬丘比丘山腳嘅小鎮 -- 熱水鎮坊間旅行社嘅聖谷一日團路線一般都會係:Cusco → Chichero → Moray → Maras → Ollantaytambo → Pisac → Cusco唔少人行完Ollantaytambo就會脫團搭火車直接去熱水鎮有呢個打算就記得要問定旅行社去到Ollantaytambo係幾多點幾乎所有團其實都係2點左右就去到Ollantaytambo,再參觀埋遺蹟你就預大概2點半多少少所以大家買火車飛去熱水鎮都可以留意下個時間不過如果大家係Ollantaytambo就離開的話就有機會冇得去Pisac,而且旅行社都唔會因此平畀你如果你夠4/5個人,其實自己包一架車連司機個自由度仲會大好多,而且唔使同啲三唔識七嘅人一齊今次個團包:到酒店接送、英文同西班牙文雙語導遊、自助午餐(價值35 Sol)唔包:任何景點門票 (Maras鹽田10 Sol,其他景點BT pass都包左)導遊8:00am黎到酒店門口接我同我一齊行去Plaza De Armaz會合其他團友 見到其他團友嗰陣其實都驚驚哋尤其見到佢哋個個都講緊西班牙文,有都d怯怯地 上到車導遊一開始bili bala係咁用西班牙文做介紹我完全聽到一頭霧水、開始驚驚地,勁想畀個胡定欣Gif圖導遊睇突然間聽到導遊講咗一句英文”who cannot understand Spanish?”我第一時間舉手,然後見到前面有兩個人都舉手之後導遊就開始咗英西翻譯嘅旅程我對眼都一直mark實嗰兩個舉手嘅人,睇下有冇機會黐住佢哋沿途風景其實都好一般就係三個字 -- 窮鄉下 羊駝產品展示場第一個景點係Chichero附近展示羊駝產品展示場講得直接啲就係畀少少介紹你睇,然後等你買嘢 人生中見到嘅第一隻羊駝,即係草泥馬 首先會帶大家去一個位置坐低 然後會有當地婦人為大家展示印加紡織技術畀大家望下點樣用羊駝毛織成毛線 另外又會show下點樣用天然資源去製成染料,染上各種毛線紡織品 講咗一陣就當然輪到購物時間現場有好多頸巾、披肩、冷衫、冷帽同其他毛線製品價錢同往後遇到嘅攤檔比其實都唔貴 Chichero教堂上返車搭咗唔夠五分鐘就到咗下一個景點Chichero Chichero其實係一條小村落不過特別之處就係相傳呢度喺彩虹誕生嘅地方行上去教堂嘅途中見到有小販喺度賣呢一種小食(3 Sol) 呢種小食叫做Salteña,係玻利維亞傳統小食,喺南美洲都非常常見出面包住一層厚嘅酥皮裏面就擺放用薯仔、洋蔥、雞蛋同埋肉粒(豬/牛/雞),而且充滿用以上材料煮成嘅醬汁個風格有少少似我哋香港麵包店賣嘅咖哩包但呢一樣小食就更加juicy、更有咬口同口感、味道更豐富大家經過南美見到就唔好錯過行到上頂就會見到教堂呢度嘅教堂同秘魯好多教堂一樣都係混合印加風格同埋西班牙宗教文化與一身 導遊好好人,當佢準備用西班牙文講解嘅時候就會叫我哋唔識英文嘅周圍行下先到適當時候就會叫番我哋用英文介紹一番而且介紹得非常之詳細,資料多到好多時我都記唔曬導遊同我哋講點解Cusco會有咁多呢啲印加mix西班牙建築因為以前印加人擁有豐富防地震經驗,用石頭堆砌嗰陣,中間嘅石縫能夠形成有效嘅避震功能用呢一種石塊堆砌技術作爲建築物嘅根基係非常之有效,而且好鞏固建築物嘅承托當年西班牙人大舉入侵嗰陣雖然大肆破壞印加文明但因此保留咗好多呢啲用石頭建成嘅地基,並且喺上面興建教堂 導遊亦都有講印加人擅長用梯形嘅建築方法即係下肥上瘦, 類似金字塔咁樣一路起上去佢哋話咁樣建築物都會更加鞏固其實佢仲講咗啲其他歷史嘢,但真係講得好多又好快佢一講完擰轉身,我已經即刻用電話自己錄音一次都錄唔返咁多睇完教堂再行前啲就係一望無盡嘅綠油油景色呢啲就真係叫做心曠神怡,想即刻黎個”旋轉 跳躍 我閉著眼” 呢一度都有個梯田,不過喺政府保育下 已經唔再用嚟耕種徹徹底底變成一個遊客嘅觀賞地方