美食推介Los Toldos Chicken再夜少少就係開餐嘅時候秘魯對於烤雞都幾引以自豪,周圍都有大大小小嘅烤雞店我今次就揀咗一間網上面都好多人推薦嘅烤雞店 Los Toldos Chicken 先畀大家望下個餐牌,其實價錢都唔係平架點擊圖片放大 +2 基本上所有人黎到都一定會叫烤雞 Roasted Chicken17.5 Sol (1/4隻) , 35 Sol (半隻) , 70 Sol (全隻)我一個人冇得揀,有幾細份要幾細份所以就要咗1/4隻 呢間嘅烤雞就算係1/4都相當大份表皮都見到燒得金黃色,係好吸引切落去嗰陣你都可以感覺到雞肉唔會話非常之實淨食落口係感覺到雞肉仍然係相當嫩滑,仲有保留肉汁喺入面而且薯條都係新鮮即炸,所以都好脆口,但當然都相當熱氣啦 由於我好怕食好乾嘅嘢,所以再叫咗碗湯濕下個喉嚨Creole Soup,15 Sol 呢個湯入面係用咗蕃茄洋蔥紅蘿蔔牛奶同埋牛肉粒落去煮,另外再落咗啲辣椒同埋香草所以入口嗰陣你唔會單純覺得佢係蕃茄湯,而係有少少類似胡椒味重嘅雜菜湯喺食緊熱氣嘢嘅同時可以飲到碗湯會覺得相當舒服而且入面有少少天使麵,其實係相當之飽肚喺秘魯當地餐廳你嗌大部分湯,入面都一定會有啲飯 / 藜麥 / 粉麵仲要呢碗湯仲奉送一塊覺得烤得靚嘅多士 另外再破戒叫咗已經好耐冇飲嘅可口可樂 4 Sol秘魯嘅可口可樂相當多氣,同香港嗰啲有好大對比更加吸引我喺呢個旅程放縱自己品嚐多幾種汽水,睇下同香港有咩大分別 Haha呢間餐廳仲自設沙律吧只要你喺呢間餐廳有消費,就可以免費享用沙律吧都係啲蕃茄 青瓜 生菜 薯仔 螺絲粉 粟米粒之類,再有幾款唔同嘅醬汁 我覺得呢度嘅嘢相當大份假如你係兩個人嚟,叫1/4烤雞 一個主菜 配啲嘢飲已經足夠隔離枱有兩個外國人叫咗半隻烤雞同兩個小食完全食唔曬而我都食淨唔少,但又費事浪費就打包拎走做宵夜