報 Local Tour我旅程第二日夜晚就要去熱水鎮,一個前往馬丘比丘一定要經過嘅城鎮所以好多人日頭都去參加Sacred Valley聖谷一日團然後中途走佬,自己去熱水鎮基本上去之前一日報團都冇問題要報團首先要注意幾樣嘢1. 價錢 2. 領隊 3. 團友價錢一定要格價,因為啲團好多時都係拼黎拼去你用70 Sol報嘅可能最後係同用50 Sol報嘅人一齊同一團,而且内容一樣如果你西班牙文唔係好叻或者根本唔識記得報團嗰陣一定要問清楚導遊識唔識流利英文因為如果連基本英文都唔識,你成個團就會白費乜都唔知,而且又冇任何指示另外最好問下旅行社知唔知暫時個團有幾多人,啲人係嚟自咩國家等自己心裏面都有個譜會唔會有啲人係識講英文,可以同自己溝通我自己就格咗幾間,都係Plaza De Armas附近最後就係其中一間預訂咗第二日嘅聖谷一日團,同埋第四日嘅rainbow mountain彩虹山團 起初聖谷一日團佢開我價60 Sol,彩虹山55 Sol經過一番努力談判,最後兩個團加埋110 Sol成交 我呢兩個團都係包左旅館接送同識講英文嘅導遊聖谷一日團就包咗自助午餐,Rainbow Mountain團就包咗簡陋早餐及簡陋自助午餐行程方面我就留到之後分享呢兩個團先再詳細講啦 我格到嘅大概價錢都同大家分享下一般聖谷一日團如果包埋自助午餐就大概55至70 Sol左右,冇包自助午餐我都見過就40 Sol不過如果到時單買佢個自助午餐好似都要30定35 SolRainbow mountain團就一定都有包早餐同午餐,而且你要預咗都唔係好豐富嗰啲價錢方面都係55至 70 Sol左右,我個人覺得平均55 Sol比較合理如果兩個加埋超過120 Sol,而你又並非要求大魚大肉,你可以轉身離開Campanario De La Plaza San Cristobal 睇日落搞下搞下已經開始黃昏然後我就拾級而上,行上去唔遠嘅Campanario De La Plaza San Cristobal 呢個地方都幾多人鍾意上嚟睇下夜景同日落由Plaza De Armas行上嚟都只係十幾分鐘 望下望下周圍都開始著燈周圍越來越暗,但Plaza De Armas就越來越光點擊圖片放大 +2 始終係陌生地方同埋當刻冇其他遊客我都唔夠膽喺嗰度逗留太耐時間,大概六點幾我就行返落中心地帶周圍已經著曬燈 當啲燈光照射落去啡色嘅建築,啲建築物就好似發光咁金碧輝煌之餘又有一種神秘嘅感覺 大家真係唔可以錯過Cusco夜晚我覺得又係另一種嘅魅力