聖多明哥修道院和教堂 (太陽神殿)慢慢向太陽神殿方向行落去 喺公園休息咗一陣就動身行上去聖多明哥修道院和教堂 聖多明哥修道院和教堂, 亦即係太陽神殿嘅遺址太陽神殿Qorikancha其實係當時Cuzco同整個印加帝國最受敬重嘅寺廟佢當時係用作供奉太陽神印,所有地板牆壁都係用純金覆蓋而當年西班牙入侵秘魯嗰陣,拆毀咗太陽神殿再喺佢嘅遺址上面興建咗而家深受遊客歡迎嘅聖多明哥修道院和教堂所以從某種程度嚟睇,西班牙人其實真係好大程度顛覆咗印加文明對秘魯嘅根底聖多明哥修道院和教堂係需要另外再係門口買入場券將bt pass係唔包㗎,成人15 Sol,持有效學生證或小童8 Sol真係好彩我有帶埋學生證出發 喺聖多明哥修道院和教堂入口會有好多導賞員佢會問你需唔需要進行導賞,當然都要畀錢啦而我就冇畀錢,因為我對呢啲歷史同建築其實冇乜太大興趣我主要都係對景色,飲食文化同社區生活面貌比較著迷入到嚟真係塊面好多旅行,而且好多都係跟團好似我呢啲一個人嘅亞洲人真係唔常見 呢啲牆壁都係當年保留咗落嚟嘅太陽神殿建築我偷聽到佢哋話呢啲石頭堆砌嘅方法係佢哋古印加建築技術例如古印加建築好多時講求一種對襯 而且當時印加人僅僅係利用石塊堆砌,並冇用任何水泥或者帶有黏性嘅液體究竟當時嘅人係有幾咁犀利可以單靠石塊就可以起咁多嘅嘢呢一個位就話當時西班牙人入侵會將木乃伊放喺呢一度 呢個模型係仿照當年太陽神殿外貌而製成牆壁面頭可以反映當時嘅太陽神殿真係鋪咗一層純金 一路繼續行落去就會係一啲天主教嘅畫像同相關嘅物品冇信教嘅我當睇下就算啦 喺成個聖多明哥修道院展出咗好多唔同畫像但當中最令我印象深刻就係呢兩幅,畀我嘅感覺同周圍嘅環境都好唔同無論係幅畫嘅內容,風格定色調都係別樹一格第一幅四色作品,中間黑點其實就係太陽神殿,其餘4隻色代表印加時期4個行政區第二幅銀河圖就係古印加人對天文銀河嘅理解,裏面有各種各樣嘅動物圖案,就好似西方覺得有各種星座一樣 有個位可以行出去望返住留下草坪好開揚,而且好寫意 購買BT Pass庫斯科遺址套票Boleto Turistico del Cusco,簡稱BT Pass成人130 Sol,持有有效學生證係70 Sol呢張Pass包含左16個遺址門票e.g.聖谷一日團一定會去嘅Moray,Ollaytomtanbo同Pisac; Cuzco市内幾個博物館同教堂詳情大家可以上呢個官網睇 http://www.boletoturisticocusco.org/cusco-boleto-turistico-para-extranjeros-cusco可以直接係景點度購買