抵達Cusco班機完全無Delay一個華麗轉身就到左Cuzco呢個機場有曬Peru Rail同Inca Rail門市,上網買左飛人士可以係度換實體票我就順便換埋Inca Rail左邊雙數位火車飛 然後就有的士司機即刻黎問我Taxi? Taxi?我就答Si (西班牙文嘅Yes,讀音”絲”)比埋個地址佢睇,佢開價20 Sol我之前已經上網睇過Cuzco機場去舊城區/Plaza De Armas大概係12-20 Sol左右,視乎大家議價能力同實際環境情況我銀包得返18.5Sol,即刻殺佢價10 Sol (諗起都覺得自己狼死)然後佢降價18 Sol,我拖住個喼即刻頭也不回走人個司機即刻話14 Sol,ok?我即刻ok上車!無計啦天生師奶格,明知你坐地起價仲點可以上檔 我事前已經聯絡過旅店提出check-in旅店都好好,比我06:00am就check-in行幾級樓梯就到旅館Orquidea Del Cusco (HKD180) 麻雀雖小五臟俱全,而且熱水好足,我都心滿意足啦 當時其實唔舒服,所以都休息咗個半鐘然後就求其喺附近找換店唱左啲錢,就搭的士去玻利維亞領事館辦理簽證由Plaza De Armas去領事館的士大概6-10Sol,視乎的士司機個良心程度點申請簽證可以click另一篇https://blog.ulifestyle.com.hk/kky1216/3670823/%E7%8D%A8%E9%81%8A15%E6%97%A5%E7%A7%98%E9%AD%AF-%E7%8E%BB%E5%88%A9%E7%B6%AD%E4%BA%9E-3-%E7%8E%BB%E5%88%A9%E7%B6%AD%E4%BA%9E%E7%B0%BD%E8%AD%89%E8%BE%A6%E7%90%86搞完簽證之後就返旅館休息因為嗰一刻真係好冇精神,但就好彩唔係高山症臨入旅館前望一望個天,點解可以靚到咁?????? 我一訓就化身睡美男咁,同Cuzco嘅空氣黑甜共一鄉,美滿無他想直至12點鐘遭到被撒旦吻過嘅鬧鐘喚醒咗我唉,正式開始遊覽Cuzco我呢一日嘅行程其實主要都係周圍行下,認識下呢一個環境先行出去Plaza De Armas (即係main square,識英文嘅當地人都會明呢個英文) 呢一刻我見班好耐冇見過真正嘅藍天同白雲我成個人都覺得好震撼由於呢度冇高樓大廈,而且海拔又高,有種錯覺係好似同藍天接軌咁原來只係咁簡單,成日都講嘅藍天白雲都可以令人咁驚喜 呢度有唔少教堂,因為南美好多國家包括秘魯同玻利維亞都曾經受到天主教國家西班牙統治所以當時西班牙人將天主教傳入,令到秘魯同玻利維亞周圍都好多教堂 多數找換店都主要集中係呢一條街,係Plaza De Armas隔離當然喺其他街度都會見到零散嘅找換店大部分找換店都係8點之後先開門,8點前開門嘅找換店一般匯率都幾差例如我為咗搭的士去領事館被逼以1usd:3.2sol 唱左10Usd但之後中午再唱,條街所有找換店就變咗1usd:3.29sol 係Cuzco,周圍都可以見到印加建築風格嘅牆 喺街頭都可以見到好多小販喺度買烚粟米秘魯嘅粟米好特別,每一粒都超巨型係我從來都未見過嘅品種而且當地人更加鍾意喺上面鋪上芝士 不過我食過呢啲粟米,口感方面比較硬,冇我地平時嗰啲爽脆感而且甜度方面亦都冇咁高我都係鍾意我哋香港食開嗰啲