15/5今日搭嘅係凌晨機,所以我十點就已經到咗機場同大家分享一件我好興奮嘅事,就係我今次有得搭ANA啊! 買機票嗰陣其實係買UA,即係會拖人落機嗰間而今次嘅特價機票只係HKD6100,既然咁平都照殺啦,但有限制條款就係必需要經日本轉一次機先可以去美國,冇得香港直航去美國不過香港飛日本呢一段就係由同屬星空聯盟嘅ANA營運!因為同屬星空聯盟,所以我喺櫃位直接叫職員一次過出曬所有機票畀我,費事我到時逐次逐次重新check in Check完in就入閘去Lounge食個宵夜先 一開始講漏咗,揀鞋都係非常之重要因為秘魯同玻利維亞路面都比較多沙石、灰塵所以大家就唔好著啲淺色、新淨嘅鞋去啦,著返對舊鞋、好著嘅、行路舒服比較重要 第一程機係香港飛羽田NH822平時去東京一直都好想搭呢班機架!!! 座位都好闊落,我對小短腿伸展難度都不大而且有曬枕頭同毛毯 娛樂設備方面還好啦電影都叫有水行俠、怪獸與葛林戴華德之罪呢d時期電影但其他類別就更多都係日本野望住窗外,我輕輕講左一聲Byebye啦香港好彩隔離位係日本婆婆,應該唔會覺得我kai kai地 臨落機前兩個鐘,終於到我最期待環節,就係食ANA飛機餐!!!我成日聽人講ANA飛機餐點好點好,每次我都係得個葡萄,今次我終於有機會食啦凌晨機雖然話係早餐,但分量卻係晚餐呢餐食 - 烤白魚配柚子胡椒味增醬 沙律,冷麵都好正常,有冷麵食其實都好驚喜飯係蛋炒飯底,不過飛機餐嘅飯都係比較淋而配菜 好似冬菇同蘿蔔都好入味,充滿醬油味,超送飯魚肉真係唔錯,同其他飛機餐比較真係比較嫩滑大家搭日頭機 去東京就記得要坐左手邊窗口位因為天氣好係可以見到富士山 話咁快就到咗東京羽田機場,真係勁想入境玩返一個禮拜然後就走咗上去第五樓展望台嗰層,攤喺我覺得羽田機場最好瞓嘅位置休息一陣 坐一坐就覺得眼瞓,見到有雪糕買就即刻買番杯係超好味嘅牛奶雪糕,不過都要450Yen 休息一陣就正式登機,乘搭NH112向芝加哥出發! 買機票嗰陣我已經揀咗逃生門窗邊個位,我個人覺得最唔好坐嘅逃生位因為嗰度冇位畀我擺嘢,尿袋 相機都只可以攝喺我大髀隔離所以下次再揀我會揀面對著牆身嗰四個位 ANA 每一餐都會提供日食同洋食選擇有好耐之前已經聽人講話揀完日食係冇錯所以我都係揀咗日食 - 炸豬排丼 沙律用咗柚子醋好清新開胃,其他前菜都係正正常常,唔錯滑蛋都有曬調味,配埋個飯都好正炸豬扒肉質實淨唔鞋,但無可避免地外皮已經淋曬所以我唔係好明點解ANA要用呢個做餐我另外問佢攞咗個洋食先有嘅麵包,好難食 凍冰冰另外最後有杯haagen dazs雪糕 派嘢飲嗰陣我特登攞咗一杯ANA強烈推薦嘅Aerobic Kabosu飲落去其實根本就係普通柚子蜂蜜,而且太甜啦都係要汽水抵d,成罐上haha中途派小食,係芝士麵包,又係好難食 凍冰冰又少少懷念其他亞洲航空公司d餐包 臨落機兩個鐘前會派早餐三文魚蛋絲飯 如果咸味重多少少就好,始終係飛機上面味蕾會差少少但飯同餡比例好好,分量都好足不過呢 ANA有個別空姐英文水平真係可以再好少少啦有一個空姐想叫我睇逃生指南,但點知講講下講唔到落去但overall整體感覺都好好,每個空姐都好有禮貌,好好笑容 抵達美國國際航班到達Chicago都會係T5降落入境都好方便,都係答左將會去邊,來自咩國家/城市如果你需要轉機就要另外搭穿梭巴士去其他幾個terminals例如我要轉UA,就要去T1 係你踏出T5之前,如果你要轉機又要再托運行李會有個位比你交低比職員即刻用運輸帶送過去去到T1又要再重新出境機場真係核突過好多大型亞洲機場 有4個鐘等轉内陸機去Houston,百無聊賴買個M記早餐食成USD8…....爭d想喊出黎,未見識過大蛇屙尿,完全係心如刀割啊 美國階級觀念真係好重連Cheap雞Econ位都要分3個level上機 UA内陸機其實都好舒服,座位又夠大,可能美國人本身太大份(?)有電視睇,不過叉電USB位唔work 係窗外望出去,人地d樓又大又空曠而我係香港就只能係個蚊型size屋住,好悲哀 去到Houston再有2個鐘轉國際航班落秘魯首都Lima但呢一刻我已經開始有少少頭痛,可能係飛機上面訓唔到,而加開始覺得辛苦我自己其實搭交通工具好難入睡呢個trip搭幾次overnight bus對我真係好大考驗超級羡慕我有個好朋友係搭咩車都可以訓到支撐左一陣終於上機上到機....頂,個usb又係用唔到 不過座位又真係好夠大,其實都幾舒服而且有枕頭同毛毯 而且有個空少好好人,見我面色好似一般,主動問我需唔需要暖水呢點真係幫UA大加分呢一刻我開始覺得其實UA都唔係咁差姐飛機餐係鷄肉配藜麥飯,藜麥沙律同一個麵包鷄肉味道太濃,加上我唔舒服,所以食不下嚥沙律用檸檬汁,我都幾唔中意所以到最後我只係食左個麵包同幾啖鷄肉就算人生第一次食唔曬飛機餐又明白返點解大家抗拒UA,不過美國堆航空公司餐飲聽聞都一般 臨落機前派小食......真係not my cup of tea