好耐無寫遊記啦,先多謝大家一路對小弟嘅支持相隔半年,我又同大家見面啦2019年5月係我人生中一個非常重要時刻因爲小弟畢業啦既然畢業,就緊係要去個旅行啦而相信大家睇個標題都知我最後去左秘魯同玻利維亞南美其實係我心目中一直好想征服嘅地域但從前礙於時間,金錢同堅持之心而未能成行從前對於南美印象就係窮鄉僻壤,罪犯天堂,毒品伊甸園......等一系列負面印象但亦都深知擁有非常多絕色美景,包括馬丘比丘,天空之鏡,耶穌像,厄瓜多爾懷舊風情等所以一直令我又愛又驚人一世物一世,就緊係要趁年輕瘋一回同大家申報下,我係完全唔識西班牙文再配合埋我今次無非常完美準備資料所以我出發前個幾日係超級無敵緊張,深怕會出咩意外儘管中途真係發生左少少意外,但最後都叫做完完整整返到香港今次遊記同以往都係一樣啦,都係會以順序方式寫而開始第一日旅程前都會講下少少背景資料包括行程表、洗費表、注意事項、秘魯/玻利維亞背景 同事前準備功夫呢個旅程主要重點其實都係最受旅客歡迎個幾個景點同餐廳- 馬丘比丘- 彩虹山- 天空之鏡- Maido (2018年世界最佳餐廳第7位) 行程Cusco + 馬丘比丘4日Puno / Ica / Lima / Oruro / La Paz / Copacabana各1日Uyuni / Arequipa各2日 開支清單 秘魯上網卡香港暫時只有一張上網卡可以喺坊間買得到係秘魯同玻利維亞兩個國家都用得個張叫做 T-Mobile覆蓋全球210個國家,連南美多個國家都可以收到Network喺鴨寮街買大概$200一張15日無限4G/3G上網大概$300一張無限30日上網網上面好多嘅評價都係如果你唔嫌慢就OK 由於我呢次旅程係超過15日,所以我只可以買30日我又覺得$300貴咗少少啦,所以我選擇咗另一個方案就係先買一張秘魯用到嘅卡,然後玻利維亞上網卡就係當地買因為素聞好多非當地購買嘅卡喺玻利維亞都收得唔係太好或者比較慢最後我就喺鴨寮街買咗一張3UK 30日12GB上網卡 $150 (坊間大概$140-170)其實呢一張主要都係適合去歐洲用,不過就包咗去秘魯另外仲有一張5GB $130 (坊間大概$120-150) 咁等我分享下我嘅用後感啦我需要喺美國轉機,呢一張卡喺美國可以行4G,無論IG FB都順暢無阻但當去到秘魯嗰陣,就變成真正3G無論係Cusco,Lima,Puno,Arequipa,IG / FB都都係好難先用到但基本google map,send msg就冇問題嘅而且秘魯好多餐廳都會有wifi,所以大家食飯記得要問店員攞密碼當然,都有唔少人係去到秘魯當地先買不過為免夜長夢多,都係買定張卡我比較安心啲玻利維亞上網卡如果大家係經巴士入La Paz喺嗰度巴士總站行入少少已經有間舖可以買電話卡 喺呢度買卡,首先張卡要畀30 Bs然後再按自己需要增值張卡買data15 Bs - 500MB ; 30 Bs - 1 GB ; 50 Bs - 2GBTop-up買Data嘅價目係公價如果你用曬,週街好多檔口都可以幫Top-up玻利維亞有三間電訊商:Entel ,Tico(Tigo) ,Viva我行過入間舖問過店員邊一間比較好,係Uyuni都會收到佢當時就話Entel一般都係比較好,Tico係Uyuni都收到 (店員識少少英文,會幫你安裝埋張卡)大家都可以喺La Paz San Francisco Church附近有幾間大型電訊供應商舖頭動度買不過聽聞就冇比較少流量嘅Plan而係Uyuni近Clock Tower嗰一帶都有好多舖頭可以買卡如果由Cusco直接飛去/搭巴士去Uyuni嘅人可以注意--------------------------------------------------------------------------------------------------(可以Click以下文字跳去相應篇章)事前準備篇秘魯跨城市交通推介Cruz Del Sur、Peru/Bolivia Hop馬丘比丘入場券購買教學(包含學生票)玻利維亞簽證Bolivia Visa教學黃熱病疫苗、其他疾病預防上網卡購買(秘魯)庫斯科Cusco篇彩虹山Rainbow Mountain聖谷團Sacred Valley I / II / III傳統市場San Pedro MarketCusco歷史城區太陽神殿美食介紹(Cafe Bar Pucara) / Los Toldos Chicken(秘魯)馬丘比丘Machu Picchu篇馬丘比丘 Machu Picchu熱水鎮中央市場熱水鎮(秘魯)普諾Puno篇Puno市内蘆葦島 Uros Floating Island(玻利維亞)拉巴斯La Paz、Oruro篇踏入玻利維亞境内纜車圍城景點介紹美食介紹(The Carrot Tree)Oruro、火車前往Uyuni(玻利維亞)烏尤尼Uyuni、天空之鏡篇日落 + 星空團一天團 I / IIUyuni介紹Uyuni報團資訊(玻利維亞)Copacabana太陽島篇Copacabana太陽島(秘魯) 阿雷基帕Arequipa篇世界第二深峽谷 - Colca Canyon (一天團)聖凱瑟琳修道院Santa Catalina Convent美食介紹(Hatunpa / Pasta Canteen)市中心及中央市場(秘魯) Ica & Huacachina篇Ica & Huacachina(秘魯) 利馬Lima美食篇MaidoAstrid y GastónBarra Maretazo(秘魯) 利馬Lima觀光、景點篇歷史舊城區Lima BRT 捷運