頑固迴轉壽司 (がんこ回転寿司)頑固迴轉壽司係一間我都幾中意嘅迴轉壽司鋪,係日本各地都有一定數量分店雖然價錢上比起旅客最愛嘅大起水產同我都成日食嘅無添くら壽司貴你預大概人均消費同香港食元氣差不多但質素係日本迴轉壽司當中算係比較出色,我可以形容為價錢非常合理,但質素高用大陸term"性價比"黎講,真係好高,係香港用食元氣嘅價錢比多個double都未必食到呢d水平我呢次去嘅分店係正梅田,大阪站櫻橋口隔離,非常方便 首先影下個menu比大家望下價錢上真係唔算貴啦好似三文魚腩壽司180Yen, 三文魚籽壽司380Yen,元貝壽司280Yen點擊圖片放大 +4 不過呢度唔好嘅地方係檯面上係無中英文Menu,你需要自己問店員攞另外落單個陣,呢度無tablet,係要你自己用口講所以記得用手指指住,然後讀“call le”其實就係平時我地去subway講this this this一樣,Kore=this,日文讀做“call le”迴轉壽司鋪其實大部分都一樣,乜都自己黎 迴轉帶上面有壽司,如果見到岩就可以攞每一件都係新鮮整,而且每一款數量唔多,防止壽司擺係迴轉帶太耐 比大家望下我食左d咩啦三文魚腩+三文魚籽壽司 380Yen三文魚籽偏咸,但三文魚腩好嫩又厚身 三文魚籽軍艦 380Yen反而呢碟三文魚籽就咸得黎帶有甜味,完全無腥粒粒都漲卜卜 厚燒玉子燒 120Yen蛋保留好多汁,而且層次分明 元貝壽司280Yen外表望落好似好乾但食落居然好甜,而且口感好嫩滑,令我非常驚喜 燒黑毛和牛壽司 380Yen好大塊黑毛和牛,而且大概燒到8成熟肥膏部分有少少焦焦,好邪惡呢個真心推介! 北海三味 580Yen呢三味原材料都係來自北海道!所以我對呢三樣期望都高三文魚籽,甜、多汁!蟹膏無苦澀味,而且夠creamy而海膽相對特別d,食落無腥味,但因爲塊青瓜太甜太正,反而有少少掩蓋左海膽個味所以我話唔到比大家知海膽有幾甜 吞拿魚三味 680Yen作爲吞拿魚愛好者,一定無得走雞赤身魚味唔算好濃,但魚肉實得黎係鬆,好易咬中拖羅同大拖羅油脂都好重,而且口感好軟淋不過大拖羅未做到入口即溶嘅效果但作爲680Yen,我覺得物超所值 總體黎講,がんこ回転寿司級數未必話好高好高但作爲迴轉壽司就絕對好過好多鋪頭啦真心都幾抵食架最後埋單都係大約3000Yen