明石海峽大橋旅程最後一日,第一個景點係我最最最最最最最期待環節我真係等等等等等等等左呢個景點好耐就係明石海峽大橋 大家見到我平時去旅行硬係會有d橋介紹都知我係超中意橋而今次呢個明石海峽大橋,我更加有機會可以攻頂!站係橋嘅超高點俯瞰大地點樣參加呢個活動,我會係介紹完呢個體驗之後教大家明石海峽大橋位於兵庫縣神戶市舞子,係一條連接兵庫縣同淡路島嘅大橋擁有世界上第三高橋塔,兼係世界上跨距最大橋樑及吊橋交通指南要去明石海峽大橋一般大家都係會選擇乘坐JR去到舞子站,或者搭山陽電鐵去到舞子公園站兩者落車之後都係需要步行5分鐘左右先去到大橋舞子站一出就會見到有指示牌 然後就穿過天橋,向橋之科學館方向行就得 今日天色真係好靚啊!成條橋都好清楚展現係我眼前 體驗活動參加左上橋活動嘅朋友會係橋之科學館入面集合行到入去就直接上二樓 集合地點其實係個類似課室嘅地方前面會有塊白板寫左大家個名,跟返個座位表坐就得而且其實會分好team,大家跟返自己個組長就得唔認得組長都可以認住頭盔上面個眼色Label 呢一場得我一個係非日籍人士,顯得格格不入但工作人員都好好人,會不斷用簡單英文同我溝通而且一早準備好曬d中英文簡介 所有相機、電話如果想係橋上使用,就必須要掛係身上如果好似我無電話繩的話,工作人員都會派發呢d套比參加者套住個電話 同埋大家都要着住呢d安全用龜背,比你袋起d貴重物品上橋個陣係唔可以帶袋去,只能夠擺係班房。而班房係上橋時係會鎖上,所以大家都可以放心 另外參加上橋活動必須簽署呢份同意書表示你願意%^$$%#$$^%$%^#$%^#$% (自己睇啦!) 活動歷時3小時頭半個鐘多d其實係簡介活動,睇下片,認識下明石海峽大橋興建過程 不過全段片都係日文播放同日文字幕而主辦單位真係好貼心準備左MP3機比非日籍人士用MP3機入面有普通話、英文、韓文頻道,比大家選擇工作人員會提醒你幾時開始播放但講真……我對呢d歷史其實興趣不大之後30-45分鐘就係參觀橋之科學館,展出好多模型去表示大橋興建過程對於我呢d無science/physics根底人士,其實都真係唔多明點擊圖片放大 所以我都係hea下hea下等時間過正式攻頂淨返個半鐘就係上橋時間啦!工作人員會帶我地經由舞子海上步道個入口入去 然後中途會落去維修通道,經維修通道前往上橋嘅升降機點擊圖片放大 當踏入維修通道,就要開始1公里長征啦! 對於畏高人士其實應該係非常得人驚因爲我自己都全程唔敢望落去,心跳得好快但見到其他人好似完全無野,我又唔好意思顯得我自己驚 好快地已經行到個海中間 之後大家會分批乘搭升降機上去係按一開始分組黎分批上就算你係最後一批上,你都會係最後一批落,所以無損失 一出升降機仲要行幾級先上到去 我真係忍唔住即刻靠邊望出去真係超級無敵震撼!!!!!! 我第一次感受到好實在嘅大地在我腳下完全無諗過原來可以係呢個角度望風景比起平時我上d大廈展望台真係驚喜好多萬倍點擊圖片放大 +2 係極高處望落去,d車好似變左模型 講真,個一刻我真係唔識形容我個心情姐係……又好震撼,又好興奮,又好感動……完全係五味雜陳唔知大家齋睇圖,會唔會都感受到我個種複雜感覺參加者全部都好興奮個個都用手機、相機不斷影相相信大家都滿載而歸點擊圖片放大 大概逗留左半個鐘就開始落橋啦同樣地都係分批落 回程個陣會行更靠近海嘅維修通道大家都係趁呢個機會影下個海沿途望出去個景都好靚 途中有個位係完全無欄杆擋住係咪要表演You jump I jump? 舞子海上步道之後會上海上步道,等大家免費行個圈但講真無特別,又唔夠出,又無特別景色如果你有行過德島鳴門渦之道,你就會覺得舞子海上步道係物非所值 會經過一個手信店工作人員會每人派100Yen coupon比大家消費 小弟係窮小孩,無錢消費啊所以都係去試飲試食算 離開海上步道返去科學館途中,都係狂影下個大橋 返到上去課室,大家檯面已經擺好左一份問卷、一張Cert同係橋上面合照Cert同合照係免費送比大家,有個file同膠袋裝住 但我下午去spa world個陣漏低左成個膠袋係我呢個旅程最遺憾一件事!!!真心,呢個活動真係好值得玩平時去好多展望台,但呢個上橋活動係帶比人前所未有體驗而且呢d活動係好難得,無乜幾多個地方有如果大家都去厭左京都d乜寺乜院其實我真心好推薦大家發掘多d呢類型活動、少旅客知道嘅景點好似呢座橋、祖谷蔓橋、鳴門漩渦呢d地方,係我心目中其實真係比起日本三景、新三景更加值得體驗明石海峽大橋登頂報名教學要參加呢個上橋活動,當然要事先報名啦而且記得要提早兩個月上去Book啊,超易Full上橋活動費每人3000Yen都唔算平,但活動内容就真係好值得大家可以上官網直接報名官網有英文版,所以大家可以安心http://www.jb-honshi.co.jp/bridgeworld/index.html 入齊曬個人資料就可以報名,電話、地址個d求其填就得事成之後大家會收到電郵確認,記得係確認左之後先有得去玩 呢個活動係冬天12月-3月係無得玩架所以只有4月-11月開放開放月份中,每日都分別會有上下午兩節活動上午活動時間係9:30-12:10, 集合時間係9:15-9:30下午活動時間係13:30-16:10,集合時間係13:15-13:30大家可以根據返想要嘅日子同時段報名另外如果想取消booking,麻煩大家都reply返人地個確認Email啦做個有責任感嘅旅客啦同埋當有人cancel booking, d位就會重新放返出黎所以大家係兩個月前book唔到都唔好放棄啊!