ますたに (拉麵店)然後去左位於京都車站伊勢丹10/F嘅「京都拉麵小路」「京都拉麵小路」聚集左9間具有代表性嘅拉麵店當中好似德島拉麵嘅表表者 – 德島東大,博多著名拉麵店博多一幸舍等等而京都代表都有份,就係我今次食嘅ますたに 京都拉麵中,背脂(豬油)醬油湯底係其中一種較受重口味人士歡迎嘅湯底作爲重口味人士,我今次食ますたに,當然都係都係主打背脂醬油湯底價錢算中等,有幾款選擇不過從資料搜集中,發現中華拉麵同(特製厚切)チャーシュー麺,湯底其實都係一樣 而自助售賣機有齊中英文揀,所以0難度不過大家記住係買左飛先去排隊啊! 入座之後見到檯面有d調味料最左手邊有樽豉油,據說係同炮製拉麵湯底嘅豉油係一樣 而我就叫左大碗チャーシュー麺,即係大叉燒拉麵另外再加多碗飯,同溏心蛋 碗麵一黎到個陣見到湯底表面漂浮滿滿油份而我嘴角就流出滴滴口水即刻試下呢個用雞、豬油同醬油炮製而成嘅湯底先 非常夠油,但完全唔膩,反而背脂令湯底更加順滑本身醬油湯底其實好清爽,但加左背脂就令到個感覺好濃郁不過講真,呢d重口味野開頭係OK但越食,你味蕾負荷會越來越重,所以唔建議大家飲太多啦麵條方面都彈牙,不過係我比較唔鍾意嘅幼麵叉燒軟腍,但無乜味,調味上爭少少 蛋方面呢次係完隻上,所以我只能用筷子整開果然係好出名之處,不枉我特登order蛋黃呈流心狀,連接近蛋黃邊嘅蛋白都係岩岩先熟所以蛋嘅部分我認爲都頗爲出色 越食就越會覺得重口味同單調所以我加左少少七味粉,比少少辣味,增加返個味道層次 而最後我用d拉麵湯撈飯一個字“正”成日話人湯底重口味,根本我自己先係最重口味…… 食到飽飽出到黎成2點半仲有好多人排隊,基本上係數一數二旺鋪 南禪寺去南禪寺其中一個最簡單方法就係搭地下鐵去到蹴上站係一號出口出,穿過下圖個隧道,再步行大概10分鐘就會到 雖然只係三點鐘,但因爲冬天關係,太陽已經慢慢垂下呢個時候嘅陽光雖然都係好耀眼,但卻帶左少少金黃嘅感覺光線照落d樹個陣,每塊葉都好似閃閃發光咁 呢度d樹比起上午嘅寳筐院高大好多所以成個感覺都好唔同係寳筐院就好似自己融入左個地方但係南禪院就無左個種connectivity,或者應該話有個距離感 大家比500Yen就可以上去三門度從高處俯瞰南禪寺一片紅葉不過我無上啦,我都鍾意紅葉包圍我身邊嘅感覺多d 而另外大家都可以自費入南禪院,係庭院當中細心觀賞紅葉但小弟窮啊,無錢入去只能四周行下,但其實已經好足夠點擊圖片放大 咳咳,呢幅圖個重點……應該係紅葉嘅! 被我用作背景板嘅情侶好似好幸福 不過我個重點當然係水路閣啦唔知大家有無發覺我特別中意拱形嘅景點好似平時d橋同呢個水路閣,都係因爲拱形同周遭環境而吸引我其實本身上網睇圖我係比水路閣嘅寂靜同懷舊所吸引不過今日好多人haha 所以無左個種孤寂感點擊圖片放大 係四周紅葉同綠葉包圍下,水路閣顯得特別殘舊具有濃厚滄桑同冰冷感覺,但就同人聲鼎沸嘅環境顯得格格不入或者下次有機會等閒日再黎探訪下水路閣啦之後再周圍兜左幾個圈,太陽都漸漸消失點擊圖片放大 +2