星之鞦韆 (星のブランコ)補充完纖維之後就正式去我呢個旅程第二期待嘅景點!星之鞦韆(星のブランコ)要去星之鞦韆,大家必須搭京阪電鐵去到私市站再以步行形式去到星之鞦韆就算係駕駛人士都只能去到中途就要落車,轉頭話比各車主知係邊要落車星之鞦韆係座小山上面,而山腳下面係個營地網上見到有人話行8個字!好似好簡單頂,原來係講緊由營地行上星之鞦韆先係8個字車站行去營地本身都要半個鐘,姐係話total其實係要70分鐘!對於平時兩層都要搭lift嘅我 真係盡顯無奈但日本景色就係有種魔力,令我屢次衝破自己枷鎖係私市站一出就會見到呢幅地圖往右手邊睇就會見到橋嘅位置 望完地圖就跟住我路綫行啦先沿住黃色圍欄條路行出去 行到盡頭就轉右一直落到底 見到呢個景象就轉左 然後就一直向前行 行到見到燈位,對面有座建築物其實係人地體育館過馬路就岩啦,再行埋圖中有人行緊嘅小徑 無幾耐就會開始行呢d林蔭小徑放心,有排都未到架 由於係紅葉季節,呢個冷門到爆嘅景點都居然好多人人流往來不絕 行左30分鐘,終於都到左園地個門口已經見到紅葉,Woo 正 山腳下面有個廁所如果大家上去橋的話記得去定廁所啦,因爲要上到頂先再會有廁所架 另外隔離有個中心大家想問路、買飲品、零食都可以係度搞掂山上面係無野賣架 個園地平時係比人用作BBQ、郊遊同露營所以都有少量設施,好似攀石場 中心隔離有我最愛嘅銀杏啊!金黃色,閃閃生煇 其實中心呢個位就係駕駛人士嘅終點唔可以再上去架啦 然後正式出發!其實沿路都有指示牌,所以大家無可能會盪失路而且行一陣之後抬頭望上其實已經會見到橋 幾經辛苦終於上到橋!連接兩端橋嘅係啡色,係陽光照射下偶然會係銅色或者橡木色而且四周圍d樹都開始變色雖然並非紅色,卻係一片金黃,更加有秋意 不過有幾下大風d,座橋都有少少搖 ,嚇親我呢個畏高者不過日本美景再次令我克服弱點! 四周視野其實唔算好空曠,四圍都係樹但個感覺就好似係一個遠離煩囂之地然後呢條星之鞦韆將各處聯係起黎點擊圖片放大 過完橋之後再回望一次,其實都係一樣點擊圖片放大 之後繼續向上行少少大概行多5-10分鐘就會有個展望台 大家一定要去埋啊!點解?圖片説明一切啦點擊圖片放大 條橋就好似係叢林中嘅一條康莊大道而且感覺上似係樹林中突然延伸,完完全全就係一條鞦韆而且呢條鞦韆係堅離地,就好似係天空中一條步道少少弧度真係更加似一條鞦韆 不過呢,由於條橋係啡色而11 12月,四周樹葉都開始變黃、枯萎所以顔色上有少少重疊令到條橋感覺唔夠突出,唔夠耀眼不過正因爲呢d自然色,令到條橋更加融入個環境當中根據個指示牌企係呢個展望台係可以望埋京都市等幾個地方不過我眼力就差少少啦 逗留左一陣,天都開始黑,而且多雲左所以我都開始準備離開一路行,其實都可以望到條橋如果係好天的話,就真係想唱句“藍藍天空高掛我的橋 天空行上最高追逐確與眾不同!” 有時有d野真係要睇曬兩個角度單純從落到山腳、靠近個座中心時原來條路都可以好靚,同我上山個陣完全兩回事 由山腳行返去車站……無人嘅……