濱松町世界貿易中心相信之前有睇過我遊記,應該對呢個地方都唔會陌生無錯,我又去呢個世貿中心40樓展望台成日好多人都會問我 東京去邊個展望台好啊?然後我成日都會答:如果想刺激有動感,就必去六本木之森大樓,而且一定要加錢上skydesk如果想平平地又坐得舒服,但又可以飽覽東京鐵塔,就一定係濱松町世貿中心如果想打卡而自己又會攝鏡,就可以去東京鐵塔如果你想同人逼,skytree一定係你最好選擇如果你唔想比錢,新宿都廳係你好嘅選擇但經過我今次再去濱松町世界貿易中心我對佢嘅評價又有所改變要去濱松町世界貿易中心,就要去大門站/濱松町站出 要上展望台就要先買飛,後搭lift 如果計坐的話,呢度真係好好坐點擊圖片放大 然後我就行去我上年逗留左個半鐘嘅位置咦,點解前面會有棟野架!? 明明上年都仲係無,好清楚開揚地望曬東京鐵塔同極微細富士山(上年1月圖) 興建左面前呢棟大廈,變相可以望到東京鐵塔得番一塊玻璃所以大家都爭崩頭,好彩我提早到但唔知點解塊玻璃好反光,上年都無咁反光而且有少少朦,好多野都影得唔好 趁仲未有人同我爭位,都周圍影下非東京鐵塔景色比大家 然後回歸東京鐵塔,望住個鹹蛋黃不斷隨隨落下 好快地,整個太陽就消失係眼簾前點擊圖片放大 之後要做嘅事就係等亮燈然後就開始慢慢亮燈,而天都逐漸變黑點擊圖片放大 +7 為左等大家更了解個天黑亮燈過程,其實我有用手機錄低不過因爲現場唔可以用腳架,所以唔可以垂直棟起部手機,導致唔係成水平綫然後再周圍影少少相就離開左點擊圖片放大 但老實講,按我呢一次去濱松町世界貿易中心經歷我唔會再推薦比大家去首先以前有三塊大玻璃可以直視東京鐵塔,而加得返1塊以前玻璃無反光,但而加有好嚴重反光同散光其實令我頗爲失望因爲失望嘅關係,所以我隨遊記附上我當年2017年1月係同樣地點嘅相個陣濱松町世界貿易中心真係非常深得我心點擊圖片放大 +8 當時望住東京鐵塔同四周環境都好JJable而且當時我用嘅相機同鏡頭都係同一支,一直保養得好好所以我極度懷疑係世貿大樓d玻璃有事,太dirty所以如果你再問我東京去邊個展望台好啊?我會改口答:如果想刺激有動感,就必去六本木之森大樓,而且一定要加錢上skydesk如果想平平地又坐得舒服,就一定係濱松町世貿中心如果想打卡而自己又會攝鏡,就可以去東京鐵塔如果你想同人逼,skytree一定係你最好選擇如果你唔想比錢,新宿都廳係你嘅唯一