美食推介五ノ神製作所自從上次食過一次之後覺得天為驚人所以呢次再encore !12點幾黎到人流都唔少我都等左接近一個鐘 一到步首先第一件事要係門口排隊然後排到咁上下就會有職員示意叫邊幾個可以輪流去買飛如果當中有你既,等前面果個返到條隊你就可以入去買飛,然後再出返黎原先個位繼續排我就左同上次一樣個款番茄蝦湯沾麵(1180円) 第一橫行淺橙色既係原味蝦湯沾麵第二橫行偏紅色既係味噌蝦湯沾麵第四橫行橙色既係番茄蝦湯沾麵,亦都係最受歡迎既每一款蝦湯沾麵都有4個選擇 我由左手邊開始解讀: 正常 / 加蛋 / 加多d肉 / 加蛋又加肉沾麵分量非常多,並盛已經係520g, 而坊間一般都係270g所以對於女士們,店家係非常貼心地比另一個option你女士們可以要小盛340g,然後會額外比你自選送樣野你(蛋/菜/肉)入到店後,先就座然後自己去攞杯斟第一次水,之後就可以用桌上個樽水斟 麵上黎啦,依舊係太麵,上面有pat青醬湯裏面有雞肉、叉燒、蛋同竹筍 雞肉嫩滑、叉燒夠淋,而且兩者索曬d汁流心蛋今次真係好流心 麵條掛湯能力仍然好出色,而且非常彈牙又有咬口 以下呢段係我當時對上一次食呢碗麵評價“呢間我認爲比較fusion所有配料在我而言都只不過係小點綴因爲真正令我驚喜係個湯個湯雖然有少少番茄酸甜味,而且仲真係有幾粒車厘茄但絲毫無蓋過蝦既鮮甜味,甚至比起平時蝦湯仲要厲害番茄酸甜味同蝦味互相映襯,而且超級夾就算就咁都唔會覺得好重口味,不過油左少少”事到如今,我仍然保持對呢碗沾麵同樣嘅評價但變化係,由於上次嘅味道仲仍然停留係我腦中所以今次食,其實少左“驚喜”呢一樣野因此我並無感覺好興奮食完出黎都係好多人