つけ麵 道(沾麵 道)我自問係一個超級愛沾麵嘅人之前其實都介紹過幾間東京都出名又好食嘅沾麵鋪而今次呢間沾麵 道就犀利啦幾乎每年都同麵屋武藏爭東京沾麵狀元位置係Tabelog仲得分高達3.9,非常厲害多個沾麵排名都係名列前茅部分Metro千代田線去到綾瀨會直接同車接駁為JR常磐線所以如果你見到乘換案内叫你唔洗落車就唔好落車,直接坐到龜有站不過由於龜有站係隸屬JR公司,所以你出閘個陣記得要行人工通道然後show你張TST,另比多140円補返綾瀨--龜有嘅車資同樣地,你走個陣都係,自己去買票機買張140円然後入閘就可以 基本上一條直路,跟住google map行就到沾麵 道 1點半個陣人流係咁,未算好多但我卻足足等左一個鐘另外門口個水壺係比各位等候中人士斟水飲,非常貼心途中店員會先叫你去買定飛有各式各樣沾麵同拉麵但大部分人同我一樣都係選擇最受歡迎白色制個3款 其實個menu今年4月開始轉左以前白色制係特製つけ麺,而加變左濃厚鹽湯底内容都有少少變化終於入到去,全鋪8個座位 店家真係超級貼心,隻杯居然係雪櫃拎出黎凍冰冰嘅杯,再斟上凍水……Kimochi 我叫左特製濃厚鹽つけ麺(1150円)麵上面有一隻蛋,兩塊叉燒而湯裏面就有兩粒餛飩(舊menu個陣係兩粒肉丸) 麵條分量非常多,普通成年男士都應該覺得足夠而且用上沾麵一定要用嘅太麵(即係粗麵)麵質有咬口、彈牙,而且個小麥味仲仍然有而且過足冷河,麵一開始係凍凍地 叉燒我反而覺得普通,有少少乾但本身帶有咸香,有少少臘肉感覺,未必個個中意蛋就perfect,中間蛋黃仍然呈半流心湯底方面,係非常濃郁豚骨鹽味魚介湯底鮮甜味同鹽味相輔相成,口感非常特別而且加少少檸檬汁落去,更加係百感交集,層次非常多,好開胃比大家望下麵條掛湯能力,係非常出色咩叫掛湯能力??其實就係麵蘸完汁夾上黎之後會keep到幾多汁係上面 最後就叫廚師加高湯落沾麵醬度 《つけ麵 道(沾麵 道)》https://goo.gl/maps/arwQfUzpjvQ2