家庭餐廳 - ビストロ大木我無諗過居然係條Skywalk逗留左兩個鐘真係有少少唔捨得走返到酒店攞完行李已經成點鐘見肚餓,所以都係三島解決埋先過去熱海而呢一餐終于可以食到ビストロ大木就係我前兩個夜晚都想食但又閂左門個間 入面座位好少,令人更加感覺親民 我叫左招牌蛋包飯定食(850円)有飯有湯有沙律有薯蓉 蛋皮上面淋上兩種醬汁,番茄醬同印度咖喱醬令到成個口感酸酸辣辣,又充滿咖喱香料味另外入面個飯仲要係西炒飯,有洋蔥粒同少少免治牛肉 分量好多,我呢個大胃王都有飽嘅感覺可以用呢餐溫暖嘅感覺作爲三島尾聲覺得好幸福